ЕВАНГЕЛИЕ ЕЖЕ Ѿ ІОАННА
3:1
Ⰱⱑ ⰶⰵ ⱍⰾⰲ҃ⰽⱏ ⱁⱅⱏ ⱇⰰⱃⰻⱄⱑⰻ. ⱀⰻⰽⱁⰴⰻⰿⱏ ⰻⰿⱔ ⰵⰿⱆ. ⰽⱏⱀⱔⰷⱏ ⰻⱓⰴⰵⰻⱄⰽⱏ.
3:2
ⱄⱏ ⱂⱃⰻⰴⰵ ⰽⱏ ⱀⰵⰿⱆ ⱀⱁⱎⱅⰻⱙ. ⰻ ⱃⰵⱍⰵ ⰵⰿⱆ ⱃⰰⰲⱐⰲⰻⰻ. ⰲⱑⰿⱐ ⱑⰽⱁ ⱁⱅⱏ ⰱ҃ⰰ ⱂⱃⰻⱎⰵⰾⱏ ⰵⱄⰻ ⱆⱍⰻⱅⰵⰾⱐ. ⱀⰻⰽⱅⱁⰶⰵ ⰱⱁ ⱀⰵ ⰿⱁⰶⰵⱅⱏ ⰸⱀⰰⰿⰵⱀⰻⰻ ⱄⰻⱈⱏ ⱅⰲⱁⱃⰻⱅⰻ. ⱑⰶⰵ ⱅⱏⰹ ⱅⰲⱁⱃⰻⱎⰻ. ⰰⱎⱅⰵ ⱀⰵ ⰱⱘⰴⰵⱅⱏ ⰱ҃ⱏ ⱄⱏ ⱀⰻⰿⱏ.
3:3
ⱁⱅⱏⰲⱑⱋⰰ ⰻⱄ҃ⱏ ⰻ҅ ⱃⰵⱍⰵ ⰵⰿⱆ. ⰰⰿⰻⱀ. ⰰⰿⰻⱀ ⰳⰾ҃ⱙ ⱅⰵⰱⱑ. ⰰⱎⱅⰵ ⰽⱅⱁ ⱀⰵ ⱃⱁⰴⰻⱅⱏ ⱄⱔ ⱄⱏ ⰲⱏⰹⱎⰵ. ⱀⰵ ⰿⱁⰶⰵⱅⱏ ⰲⰻⰴⱑⱅⰻ ⱌⱄ҃ⱃⱄⱅⰲⰻⱑ ⰱⰶ҃ⰻⱑ.
3:4
ⰳⰾ҃ⰰ ⰽⱏ ⱀⰵⰿⱆ ⱀⰻⰽⱁⰴⰻⰿⱏ. ⰽⰰⰽⱁ ⰿⱁⰶⰵⱅⱏ ⱍⰾⰲⰽⱏ ⱃⱁⰴⰻⱅⰻ ⱄ{ⱔ}ⱔ ⱄⱅⰰⱃⱏ ⱄⱏⰹ. ⰵⰴⰰ ⰿⱁⰶⰵⱅⱏ ⰲⱏⱅⱁⱃⰻⱌⰵⱙ ⰲⱏ ⱍⱃⱑⰲⱁ ⰲⱐⰾⱑⱄⱅⰻ ⰿⰰⱅⰵⱃⰵ ⱄⰲⱁⰵⱗ ⰻ ⱃⱁⰴⰻⱅⰻ ⱄⱔ.
3:5
ⱁⱅⱏⰲⱑⱎⱅⰰ ⰻⱄ҃ⱏ ⰰⰿⰻⱀⱐ ⰳⰾ҃ⱙ ⱅⰵⰱⱑ. ⰰⱋⰵ ⰽⱅⱁ ⱀⰵ ⱃⱁⰴⰻⱅⱏ ⱄⱔ ⰲⱁⰴⱁⱙ ⰻ ⰴⱈ҃ⱁⰿⱐ. ⱀⰵ ⰿⱁⰶⰵⱅⱏ ⰲⱐⱀⰻⱅⰻ ⰲⱏ ⱌ!ⱄⱃⰲⰻⰵ ⰱⰶ҃ ⰵ҅.
3:6
ⱃⱁⰶⰴⰵⱀⱏⰹ ⱁⱅⱏ ⱂⰾⱏⱅⰻ ⱂⰾⱏⱅⱐ ⰵⱄⱅⱏ. ⰺ҅ ⱃⱁⰶⰴⰵⱀⱏⰹ ⱁⱅⱏ ⰴⱈ҃ⰰ ⰴⱈ҃ⱏ ⰵⱄⱅⱏ.
3:7
ⱀⰵ ⰴⰻⰲⰻ ⱄⱔ ⱑⰽⱁ ⱃⱑⱈⱏ ⱅⰻ. ⱂⱁⰴⱁⰱⰰⰰⱅⱏ ⰲⰰⰿⱏ ⱃⱁⰴⰻⱅⰻ ⱄⱔ ⱄⱏ ⰲⱏⰹⱎⰵ.
3:8
ⰴⱆⱈⱏ ⰻⰴⰵⰶⰵ ⱈⱁⱎⱅⰵⱅⱏ ⰴⱆⱎⰵⱅⱏ. ⰺ ⰳⰾⰰ!ⱄ ⰵⰳⱁ ⱄⰾⱏⰹⱎⰻⱎⰻ. ⱀⱏ ⱀⰵ ⰲⱑⱄⰻ ⱁⱅⱏ ⰽⱘⰴⱆ ⱂⱃⰻⰴⰵⱅⱏ ⰻ ⰽⰰⰿⱁ ⰻⰴⰵⱅⱏ. ⱅⰰⰽⱁ ⰵⱄⱅⱏ ⰲⱐⱄⱑⰽⱏ ⱃⱁⰶⰴⰵⱀⱏⰹ ⱁⱅⱏ ⰴⱈ҃ⰰ.
3:9
ⱁⱅⱏⰲⱑⱎⱅⰰ ⱀⰻⰽⱁⰴⰻⰿⱏ ⰻ ⱃⰵⱍⰵ ⰵⰿⱆ. ⰽⰰⰽⱁ ⰿⱁⰳⱘⱅⱏ ⱄⰻ ⰱⱏⰹⱅⰻ.
3:10
ⱁⱅⱏⰲⱑⱋⰰ ⰻⱄ҃ⱏ ⰻ ⱃⰵⱍⰵ ⰵⰿⱆ. ⱅⱏⰹ ⰵⱄⰻ ⱆⱍⰻⱅⰵⰾⱐ. !ⰺⰾⰲⱏ. ⰻ ⱄⰻⱈⱏ ⰾⰻ ⱀⰵ ⰲⱑⱄⰻ.
3:11
ⰰⰿⰻⱀⱐ ⰰⰿⰻⱀⱐ ⰳⰾ҃ⱙ ⱅⰵⰱⱑ. ⱑⰽⱁ ⰵⰶⰵ ⰲⱑⰿⱐ ⰳⰾ҃ⰿⱐ. ⰺ ⰵⰶⰵ ⰲⰻⰴⱑⱈⱁⰿⱏ ⱄⱏⰲⱑⰴⱑⱅⰵⰾⱐⱄⱅⰲⱆⰵⰿⱏ. ⰺ ⱄⱏⰲⱑⰴⱑⱅⰵⰾⱏⱄⱅⰲⰰ ⱀⰰⱎⰵⰳⱁ ⱀⰵ ⱂⱃⰻⰵⰿⰾⰵⱅⰵ.
3:12
ⰰⱎⱅⰵ ⰸⰵⰿⱏⱀⰰ ⱃⱑⱈⱏ ⰲⰰⰿⱏ ⰻ ⱀⰵ ⰲⱑⱃⱆⱆⱅⰵ. ⰽⰰⰽⱁ ⰰⱎⱅⰵ ⱃⰵⰽⱁ ⰲⰰⰿⱏ ⱀⰱ҃ⱄⰽⰰ ⰲⱑⱃⱆⱆⱅⰵ.
3:13
ⰺ ⱀⰻⰽⱅⱁⰶⰵ ⰲⱏⰸⰻⰴⰵ !ⱀⰱⱁ. ⱅⱏⰽⰿⱁ ⱄⱏⱎⰵⰴⱏⰹ ⱄⱀ҃ⰱⱄⰵ. ⱄⱀ҃ ⱍ!ⱄⰽⱏⰹ ⱄⱏⰹ ⱀⱀⰱ҃ⱄⰵ.
3:14
ⰺ҅ ⱑⰽⱁⰶⰵ ⰿⱁⱄⰻ ⰲⱐⰸⱀⰵⱄⰵ ⰸⰿⰻⱙ ⰲⱏ ⱂⱆⱄⱅⱏⰹⱀⰻ. ⱅⰰⰽⱁ ⱂⱁⰴⱁⰱⰰⰰⱅⱏ ⱄⱔ ⰲⱏⰸⱀⰵⱄⱅⰻ ⱄⱏⰹⱀⱆ ⱍⰾⰲ҃ⱄⰽⱆⰿⱆ.
3:15
ⰴⰰ ⰲⱐⱄⱑⰽⱏ ⰲⱑⱃⱆⱗⰻ ⰲⱁ ⱀⱐ ⱀⰵ !ⱂⱁⰳⱏⰹⰱⱀⰵⱅⱏ. ⱀⱏ ⰻⰿⰰⱅⱏ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ :: !ⰽⱌ ::
3:16
Ⱅⰰⰽⱁ ⰱⱁ ⰱ҃ⱏ ⰲⱐⰸⰾⱓⰱⰻ ⰿⰻⱃⰰ. ⱑⰽⱁ ⱄⱀ҃ⰰ ⱄⰲⱁⰵⰳⱁ ⰻⱀⱁⱍⱔⰴⰰⰰⰳⱁ ⰴⰰⱄⱅⱏ. ⰴⰰ ⰲⱐ{ⱄⱑ}ⱄⱑⰽⱏ ⰲⱑⱃⱆⱗⰻ ⱀⰰ ⱀⱐ ⱀⰵ ⱂⱁⰳⱏⰹⰱⱀⰵⱅⱏ. ⱀⱏⰹ ⰻⰿⰰⱅⱏ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ.
3:17
ⱀⰵ ⱂⱁⱄⱏⰾⰰ ⰱⱁ ⰱ҃ⱏ ⱄⱀ҃ⰰ ⱄⰲⱁⰵⰳⱁ ⰲⱐ ⰿⰻⱃⱏ ⰴⰰ ⱄⱁⰴⰻⱅⱏ ⰿⰻⱃⱆ. ⱀⱏ ⰴⰰ ⱄⱏⱂⰰⱄⰵⱅⱏ ⱄⱔ ⰿⰻⱃⱏ ⰻⰿⱏ.
3:18
ⰲⱑⱃⱆⱗⰻ ⰲⱁ ⱀⱐ ⱀⰵ ⰱⱁⰴⰵⱅⱏ ⱁⱄⱘⰶⰴⰵⱀⱏ. ⰰ ⱀⰵ ⰲⱑⱃⱆⱗⰻ ⱓⰶⰵ ⱁⱄⱘⰶⰴⰵⱀⱏ ⰵⱄⱅⱏ. ⱑⰽⱁ ⱀⰵ ⰲⱑⱃⱁⰲⰰ ⰲⱏ ⰹⰿⱔ ⰻⱀⱁⱍⱔⰴⰰⰰⰳⱁ ⱄⱀ҃ⰰ ⰱⰶ҃ⰻⱑ.
3:19
ⱄⱐ ⰵⱄⱅⱏ ⱄⱁⰴⱏ ⱂⱃⰻⰴⰵ ⰱⱁ ⱄⰲⱑⱅⱏ ⰲⱏ ⰿⰻⱃⱏ. ⰺ ⰲⱏⰸⰾⱓⰱⰻⱎⱔ ⱍⰾⰲ҃ⱌⰻ ⱂⰰⱍⰵ ⱅⱏⰿⱘ ⱀⰵⰶⰵ ⱄⰲⱑⱅⱏ. ⰱⱑⱎⱔ ⰱⱁ ⰻⱈⱏ ⰴⱑⰾⰰ ⰸⱏⰾⰰ.
3:20
ⰲⱐⱄⱑⰽⱏ ⰱⱁ ⰴⱑⰾⰰⱗⰻ ⰸⱏⰾⰰ. ⱀⰵⱀⰰⰲⰻⰴⰻⱅⱏ ⱄⰲⱑⱅⰰ. ⰺ ⱀⰵ ⱂⱃⰻⱈⱁⰴⰻⱅⱏ ⰽⱏ ⱄⰲⱑⱅⱆ. ⰴⰰ ⱀⰵ ⱁ[ⰱⰾⰻ]ⱍⱔⱅⱏ ⱄⱔ ⰴⱑⰾⰰ ⰵⰳⱁ. ⱑⰽⱁ ⰸⱏⰾⰰ ⱄⱘⱅⱏ.
3:21
ⰰ ⱅⰲⱁⱃⱔⰻ ⰻⱄⱅⰻⱀⱁ ⰳⱃⱔⰴⰵⱅⱏ ⰽⱏ ⱄⰲⱑⱅⱆ. ⰴⰰ ⰰⰲⱔⱅⱏ ⱄⱔ ⰴⱑⰾⰰ ⰵⰳⱁ ⱑⰽⱁ ⱁ !ⰱⰷⱑ ⱄⱘⱅⱏ ⱄⱏⰴⱑⰾⰰⱀⰰ :: ⰽ!ⱌ :: ⰸ!ⱍ ::
3:22
Ⱂⱁ ⱄⰻⱈⱏ ⱂⱃⰻⰴⰵ ⰻⱄ҃ⱏ ⰺ҅ ⱁ҅уⱍⰵⱀⰻⱌⰻ ⰵⰳⱁ ⰲⱏ ⰹⱓⰴⰵⱀⱄⰽⱘⱙ ⰸⰵⰿⰾⱙ. ⰺ ⱅⱆ ⰶⰻⰲⱑⰰⱎⰵ ⱄⱏ ⱀⰻⰿⰻ ⰻ ⰽⱃⱏⱎⱅⰰⰰⱎⰵ.
3:23
ⰱⱑ ⰶⰵ ⰻⱁⰰⱀⱏ ⰽⱃⱏⱄⱅⱔ ⰲⱐ ⰵⱀⱀⱁⱀⱑ. ⰱⰾⰻⰸⱏ ⱄⰰⰾⰻⰿⱁⰲⰻ. ⱑⰽⱁ ⰲⱁⰴⱏⰹ ⰿⱏⱀⱁⰳⱏⰹ ⰱⱑⰰⱈⱘ ⱅⱆ. ⰺ ⱂⱃⰻⱈⱁⰶⰴⰰⰰⱈⱘ ⰻ ⰽⱃⱏⱎⱅⰰⰰⱈⱘ ⱄⱔ.
3:24
ⱀⰵ ⱆ ⰱⱁ ⰱⱑ ⰲⱏⱄⰰⰶⰴⰵⱀⱏ ⰲⱏ ⱅⰵⰿⱐⱀⰻⱌⱘ ⰻⱁⰰⱀⱏ ::
3:25
Ⰱⱏⰹⱄⱅⱏ ⰶⰵ ⱄⱏⱅⱔⰷⰰⱀⰻⰵ ⱁⱅⱏ ⱆⱍⰵⱀⰻ{ⱀⰻ}ⰽⱏ ⰻⱁⰰⱀⱁⰲⱏ. ⱄⱏ ⰺ҅ⱓⰴⰵⰻ. ⱁ ⱁⱍⰻⱎⱅⰵⱀⰻⰻ.
3:26
ⰺ ⱂⱃⰻⰴⱘ ⰽⱏ ⰻⱁⰰⱀⱆ ⰻ ⱃⱑⱎⱔ ⰵⰿⱆ ⱃⰰⰲⱐⰲⰻ. ⰺⰶⰵ ⰱⱑ ⱄⱏ ⱅⱁⰱⱁⱙ ⱁⰱ ⱁⱀⱏ ⱂⱁⰾⱏ ⰻⱁⱃⱏⰴⰰⱀⰰ .ⰵⰿⱆⰶⰵ ⱅⱏⰹ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ. ⱄⰵ ⱄⱐ ⰽⱃⱐⱎⱅⰰⰰⱅⱏ ⰻ ⰲⱐⱄⰻ ⰳⱃⱔⰴⱘⱅⱏ ⰽⱏ ⱀⰵⰿⱆ.
3:27
ⱁⱅⱏⰲⱑⱋⰰ ⰻⱁⰰⱀⱏ ⰻ ⱃⰵⱍⱔ. ⱀⰵ ⰿⱁ[ⰶⰵ]ⱅⱏ ⱍⰾ҃ⰽⱏ ⱂⱃⰻⰻⰿⰰⱅⰻ ⱀⰻⱍⰵⱄⱁⰶⰵ. ⰰⱋⰵ ⱀ[ⰵ] ⰱⱘⰴⰵⱅⱏ ⰵⰿⱆ ⰴⰰⱀⱁ ⱄⱀ҃ⰱⱄⰵ.
3:28
ⰲⱏⰹ ⱄⰰⰿⰻ ⰿⱐⱀⱑ ⱄⱏⰲⱑⰴⱑⱅⰵⰾⱐⱄⱅⰲⱆⱆⱅⰵ. ⱑⰽⱁ ⱃⱑⱈⱏ ⱀⱑⱄⰿⱏ ⰰⰸⱏ !ⱈⱏ. ⱀⱏ ⱂⱁⱄⱏⰾⰰⱀⱏ ⰵⱄⰿⱏ ⱂⱃⱑⰴⱏ ⱀⰻⰿⱐ ::
3:29
ⰺⰿⱑⱗⰻ ⱀⰵⰲⱑⱄⱅⱘ ⰶⰵⱀⰻⱈⱏ ⰵⱄⱅⱏ. ⰰ ⰴⱃⱆⰳⱏ ⰶⰵⱀⰻⱈⱁⰲⱏ ⱄⱅⱁⱗ ⰻ ⱂⱁⱄⰾⱆⱎⰰⱗ ⰵⰳⱁ. ⱃⰰⰴⱁⱄⱅⰻⱙ ⱃⰰⰴⱆⱆⱅⱏ ⱄⱔ ⰸⰰ ⰳⰾⰰⱄⱏ ⰶⰵⱀⰻⱈⱁⰲⱏ. ⱄⰻ ⱆⰱⱁ ⱃⰰⰴⱁⱄⱅⱐ ⰿⱁⱑ ⰻⱄⱂⰾⱏⱀⰻ ⱄⱔ.
3:30
ⱁⱀⱁⰿⱆ ⱂⱁⰴⱁⰱⰰⰰⱅⱏ ⱃⰰⱄⱅⰻ ⰰ ⰿⱐⱀⱑ ⰿⱐⱀⰻⱅⰻ ⱄⱔ.
3:31
ⰳⱃⱔⰴⱏⰹ ⱄⱏ ⰲⱏⰹⱎⰵ ⱀⰰⰴⱏ ⰲⱐⱄⱑⰿⰻ ⰵⱄⱅⱏ. ⱄⱏⰹ ⱁⱅⱏ ⰸⰵⰿⰾⱔ ⱁⱅⱏ ⰸⰵⰿⰾⱔ ⰵⱄⱅⱏ. ⰻ ⱁⱅⱏ ⰸⰵⰿⰾⱔ ⰳⰾ҃ⰵⱅⱏ. ⰳⱃⱔⰴⱏⰹⰻ ⱄⱏ ⱀⰱ҃ⱄⰵ ⱀⰰⰴⱏ ⰲⱐⱄⱑⰿⰻ ⰵⱄⱅⱏ.
3:32
ⰺ ⰵⰶⰵ ⰲⰻⰴⱑ ⰻ ⱄⰾⱏⰹⱎⰰ ⱄⰵ ⱄⱏⰲⱑⰴⱑⱅⰵⰾⱐⱄⱅⰲⱆⱆⱅⱏ. ⰺ ⱄⱏⰲⱑⰴⱑⱅⰵⰾⱐⱄⱅⰲⰻⱑ ⰵⰳⱁ ⱀⰻⰽⱅⱁⰶⰵ ⱀⰵ ⱂⱃⰻⰵⰿⰾⰵⱅⱏ.
3:33
Ⱂⱃⰻⰻⰿⱏⰹⰻ ⰵⰳⱁ ⱄⱏⰲⱑⰴⱑⱅⰵⰾⱐⱄⱅⰲⱁ ⰸⰰⱂⰵⱍⰰⱅⱐⰾⱑ. ⱑⰽⱁ ⰱ҃ⱏ ⰻⱄⱅⰻ{ⱀⰵ}ⱀⰵⱀⱏ ⰵⱄⱅⱏ :: ⰽ!ⱌ ::
3:34
Ⰵⰳⱁⰶⰵ ⰱⱁ ⱂⱁⱄⱏⰾⰰ ⰱ҃ⱏ ⰳⰾ҃ⱏⰹ ⰱⰶ҃ⰻⱗ ⰳⰾ҃ⱅⱏ. ⱀⰵ ⰲⱏ ⰿⱑⱃⱘ ⰱⱁ ⰱ҃ⱏ ⰴⰰⱄⱅⱏ ⰴⱈ҃ⰰ.
3:35
ⱁⱅ҃ⱌⱏ ⰾⱓⰱⰻⱅⱏ ⱄⱀ҃ⰰ. ⰻ ⰲⱐⱄⱑ ⰴⰰⱄⱅⱏ ⰲⱏ ⱃⱘⱌⱑ ⰵⰳⱁ.
3:36
ⰲⱑⱃⱆⱗⰻ ⰲⱏ ⱄⱀ҃ⰰ ⰻⰿⰰⱅⱏ ⰶⰻⰲⱁⱅⱏ ⰲⱑⱍⱏⱀⱏⰹ. ⰰ ⰻⰶⰵ ⱀⰵ ⰲⱑⱃⱆⱆⱅⱏ ⰲⱏ ⱄⱀ҃ⰰ ⱀⰵ ⱆⰸⱐⱃⰻⱅⱏ ⰶⰻⰲⱁⱅⰰ. ⱀⱏ ⰳⱀⱑⰲⱏ ⰱⰶ҃ⰹⰻ ⱂⱃⱑⰱⱏⰹⰲⰰⰰⱅⱏ ⱀⰰ ⱀⰵⰿⱐ.