ЕВАНГЕЛИЕ ЕЖЕ Ѿ ІОАННА
21:1
Ⱂⱁ ⱄⰵⰿⱐ ⱑⰲⰻ ⱄⱔ ⱂⰰⰽⱏⰹ ⰻⱄ҃ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ ⱀⰰ ⰿⱁⱃⰻ ⱅⰰⰲⱁⱃ ⱑ҅ⰴⱐⱄⱌⱑⰿⱐ. ⰰⰲⰻ ⰶⰵ ⱄⱔ ⱄⰻⱌⰵ.
21:2
ⰱⱑⰰⱈⱘ ⰲⱏ ⰽⱆⱂⱑ ⱄⰻⰿⱁⱀⱏ ⱂⰵⱅⱃⱏ. ⰺ ⱅⱁⰿⰰ ⱀⰰⱃⰻⱌⰰⰵⰿⱁⰻ ⰱⰾⰻⰸⱀⰵⱌⱏ. ⰺ ⱀⰰⱅⰰⱀⰰⰻⰾⱐ. ⰺⰶⰵ ⰱⱑ ⱁⱅⱏ ⰽⰰⱀⰰ ⰳⰰⰾⰻⰾⱑⰻⱄⰽⱏⰹ. ⰺ ⱄⱀ҃ⰰ ⰸⰵⰲⰵⰴⰵⱁⰲⰰ. ⰺ ⰻⱀⰰ ⰴⱏⰲⰰ ⱁⱅⱏ ⱆⱍⰵⱀⰻⰽⱏ ⰵⰳⱁ.
21:3
ⰳⰾ҃ⰰ ⰻⰿⱏ ⱄⰻⰿⱁⱀⱏ ⱂⰵⱅⱃⱏ. ⰺⰴⱘ ⱃⱏⰹⰱⱏ ⰾⱁⰲⰻⱅⱏ. ⰳⰾ҃ⰰⱎⱔ ⰵⰿⱆ. ⰺⰴⰵⰿⱏ ⰻ ⰿⱏⰹ ⱄⱏ ⱅⱁⰱⱁⱙ. ⰺ ⰻⰸⰻⰴⱘ. ⰻ ⰲⱐⱄⱑⰴⱘ ⰲⱏ ⰽⱁⱃⰰⰱⱐ ⰰⰱⰻⰵ. ⰺ ⰲⱏ ⱅⱘ ⱀⱁⱎⱅⱐ ⱀⰵ ⱗⱄⱔ ⱀⰻⱍⰵⱄⱁⰶⰵ.
21:4
ⱆⱅⱃⱆ ⰶⰵ ⰰⰱⰻⰵ ⰱⱏⰹⰲⱏⱎⱓ. ⱄⱅⰰ ⰻⱄ҃ ⱂⱃⰻ ⰱⱃⱑⰷⱑ. ⱀⰵ ⱂⱁⰸⱀⰰⱎⱔ ⰶⰵ ⱆⱍⰵⱀⰻⱌⰻ ⱑⰽⱁ ⰻⱄ҃ ⰵⱄⱅⱏ.
21:5
ⰳⰾ҃ⰰ ⰶⰵ ⰻⰿⱏ ⰻⱄ҃ ⰴⱑⱅⰻ. ⰵⰴⰰ ⱍⱅⱁ ⱄⱏⱀⱑⰴⱏⱀⱁ ⰻⰿⰰⱅⰵ. ⱁⱅⱏⰲⱑⱎⱅⰰⱎⱔ ⰶⰵ ⰵⰿⱆ ⱀⰻ.
21:6
ⱁⱀⱏ ⰶⰵ ⱃⰵⱍⰵ ⰻⰿⱏ. ⰲⱏⰲⱃⱏⰷⱑⱅⰵ ⱁ ⰴⰵⱄⱀⱘⱙ ⱄⱅⱃⰰⱀⱘ ⰽⱁⱃⰰⰱⰾⱑ ⰿⱃⱑⰶⱘ. ⰻ ⱁⰱⱃⱔⱎⱅⰵⱅⰵ. ⰲⱏⰲⱃⱏⰳⱘ ⰶⰵ. ⰺ ⰽ ⱅⱁⰿⱆ ⱀⰵ ⰿⱁⰶⰰⰰⱈⱘ ⱂⱃⰻⰲⰾⱑⱎⱅⰻ ⰵⱗ. ⱁⱅⱏ ⰿⱀⱁⰶⱐⱄⱅⰲⰰ ⱃⱏⰹⰱⱏ.
21:7
ⰳⰾ҃ⰰ ⰶⰵ ⱆⱍⰵⱀⰻⰽⱏ ⰵⰳⱁⰶⰵ ⰾⱓⰱⰾⱑⱎⰵ ⰻⱄ҃ⱏ ⱂⰵⱅⱃⱁⰲⰻ. ⰳ҃ⱏ ⰵⱄⱅⱏ. ⱄⰻⰿⱁⱀⱏ ⰶⰵ ⱂⰵⱅⱃⱏ ⱄⰾⱏⰹⱎⰰⰲⱏ ⱑⰽⱁ !ⰳⱐ ⰵⱄⱅⱏ. ⰵⱂⰵⱀⰴⰻⱅⱁⰿⱏ ⱂⱃⱑⱂⱁⱑⱄⰰ ⱄⱔ. ⰱⱑ ⰱⱁ ⱀⰰⰳⱏ. ⰺ ⰲⱏⰲⱃⱏⰶⰵ ⱄⱔ ⰲⱏ ⰿⱁⱃⰵ.
21:8
ⰰ ⰴⱃⱆⰷⰻⰻ ⱆⱍⰵⱀⰻⱌⰻ ⰽⱁⱃⰰⰱⰻⱌⱐⰿⱐ ⱂⱃⰻⰴⱘ. ⱀⰵ ⰱⱑⱎⱔ ⰱⱁ ⰴⰰⰾⰵⱍⰵ ⱁⱅⱏ ⰸⰵⰿⰾⱔ. ⱀⱏ ⱑⰽⱁ ⰴⱏⰲⱑ ⱄⱏⱅⱑ ⰾⰰⰽⱅⱏ. ⰲⰾⱑⰽⱘⱎⱅⰵ ⰿⱃⱑⰶⱘ ⱃⱏⰹⰱⱏ.
21:9
ⱑⰽⱁ ⰶⰵ ⰻⰸⰾⱑⰸⱘ ⱀⰰ ⰸⰵⰿⰾⱙ. ⰲⰻⰴⱑⱎⱔ ⱁⰳⱀⱐ ⰾⰵⰶⱔⱋⱐ ⰻ ⱃ[ⱏ]ⰻⰱⱘ ⱀⰰ ⱀⰵⰿⱐ ⰾⰵⰶⱔⱎⱅⱘ ⰻ ⱈⰾⱑ[ⰱ]ⱏ.
21:10
ⰳⰾ҃ⰰ ⰻⰿⱏ ⰻⱄ҃. ⱂⱃⰻⱀⰵⱄⱑⱅⰵ ⱁⱅⱏ ⱃⱏⰹⰱⱏ ⱗⰶⰵ ⱗⱄⱅⰵ ⱀⱏⰹⱀⱑ.
21:11
Ⰲⱐⰾⱑⰸⰵ ⰶⰵ ⱄⰻⰿⱁⱀⱏ ⱂⰵⱅ[ⱃ]ⱏ ⰻ ⰺⰸ[ⰲ]ⰾⱑⱍⰵ ⰿ[ⱃ]ⱑⰶⱘ ⱀⰰ ⰸⰵⰿⰾⱙ. ⱂⰾⱏⱀⱘ ⰲⰵⰾⰻⰺ ⱃⱏⰹⰱⱏ. ⱄⱏⱅⱁ ⰻ ⱂⱔⱅⱐ ⰴⰵⱄⱔⱅⱏ ⰻ ⱅⱃⰻ. ⰺ ⱅⱁⰾⰻⰽⱆ ⱄⱘⱎⱅⱐ ⱀⰵ ⱂⱃⱁⱅⱃⱏⰶⰵ ⱄⱔ ⰿⱃⱑⰶⰰ ::
21:12
!Ⰳⰾⰰ ⰻⰿⱏ ⰻⱄ҃. ⱂⱃⰻⰴⱑⱅⰵ ⱁⰱⱑⰴⱆⰻⱅⰵ. ⰺ ⱀⰻⰽⱅⱁⰶⰵ ⱀⰵ ⱄⱏⰿⱑⰰⱎⰵ ⱁⱅⱏ ⱆⱍⰵⱀⰻⰽⱏ ⰻⱄⱅⱔⰷⰰⱅⰻ ⰵⰳⱁ ⱅⱏⰹ ⰽⱅⱁ ⰵⱄⰻ. ⰲⱑⰴⱘⱎⱅⰵ ⱑⰽⱁ !ⰳⱐ ⰵⱄⱅⱏ.
21:13
Ⱂⱃⰻⰴⰵ ⰶⰵ ⰻⱄ҃. ⰺ ⱂⱃⰻⱗⱅⱏ ⱈⰾⱑⰱⰰ ⰻ ⰴⰰⱄⱅⱏ ⰻⰿⱏ. ⰺ ⱃⱏⰹⰱⱘ ⱅⰰⰽ[ⱁ]ⰶⰴⰵ.
21:14
ⱄⰵ ⱓⰶⰵ ⱅⱃⰵⱅⰻ[ⰻⱌⰻ] ⱑⰲⰻ ⱄⱔ ⰻⱄ҃ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ ⰲⱏⱄⱅⰰⰲⱏ ⱁⱅⱏ ⰿⱃⱏⱅⰲⱏⰹⱈⱏ :: ⰽ!ⱌ ::
21:15
ⰵⰳⰴⰰ ⰶⰵ ⱁⰱⱑⰴⱁⰲⰰⱎⱔ. ⰳⰾ҃ⰰ ⱄⰻⰿⱁⱀⱁⰲⰻ ⱂⰵⱅⱃⱆ ⰻⱄ҃. ⱄⰻⰿⱁⱀⰵ ⰻⱁⱀⰻⱀⱏ ⰾⱓⰱⰻⱎⰻ ⰾⰻ ⰿⱔ ⱂⰰⱍⰵ [ⱄⰻⱈⱏ]. ⰳⰾ҃ⰰ ⰵⰿⱆ ⰵⰻ ⰳ҃ⰻ. ⱅⱏⰹ ⰲⱑⱄⰻ ⱑⰽⱁ ⰾⱓⰱⰾⱙ ⱅⱔ. ⰳⰾ҃ⰰ ⰵⰿⱆ ⱂⰰⱄⰻ ⰰⰳⱀⱐⱌⱔ ⰿⱁⱗ.
21:16
ⰳⰾ҃ⰰ ⰵⰿⱆ ⱂⰰⰽⱏⰹ ⰲⱏⱅⱁⱃⰻⱌⰵⱙ. ⱄⰻⰿⱁⱀⰵ ⰻⱁⱀⰻⱀⱏ ⰾⱓⰱⰻⱎⰻ ⰾⰻ ⰿⱔ. ⰳⰾ҃ⰰ ⰵⰿⱆ ⰵⰻ ⰳ҃ⰻ. ⱅⱏⰹ ⰲⱑⱄⰻ ⱑⰽⱁ ⰾⱓⰱⰾⱙ ⱅⱔ. ⰳⰾ҃ⰰ ⰵⰿⱆ ⱂⰰⱄⰻ ⱁⰲⱏⱌⱔ ⰿⱁⱗ.