ЕВАНГЕЛИЕ ЕЖЕ Ѿ ІОАННА
18:0
ⰵⰲⰰⱀⰼ҃ⰾⰻⰵ ⱁⱅ ⰻ!ⱁⱀ. ⱀⱅⰰⱇⰰⱅⰻ.
18:1
ⱄⰻ ⱃⰵⰽⱏ ⰻⱄ҃. ⰺⰸⰻⰴⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ. ⱀⰰ ⱁⱀⱏ ⱂⱁⰾⱏ ⱂⱁⱅⱁⰽⰰ ⰽⰵⰴⱃⱏⱄⰽⰰ. ⰺⰴⰵⰶⰵ ⰱⱑ ⰲⱃⱏⱅⱏ. ⰲⱐ ⱀⱐⰶⰵ ⰲⱏⱀⰻⰴⰵ ⱄⰰⰿⱏ ⰻ ⱆⱍⰵⱀⰻⱌⰻ ⰵⰳⱁ :: ⰽ!ⱌ ::
18:2
Ⰲⱑⰴⱑⰰⱎⰵ ⰶⰵ ⰻⱓⰴⰰ ⰻⰶⰵ ⰻ ⱂⱃⱑⰴⰰⰰⱎⰵ ⰿⱑⱄⱅⱁ. ⱑⰽⱁ ⰿⱏⱀⱁⰶⰻⱌⰵⱙ ⱄⱏⰱⰻⱃⰰⰰⱎⰵ ⱄⱔ ⰻⱄ҃ ⱅⱆ ⱄⱏ ⱆⱍⰵⱀⰻⰽⱏⰹ ⱄⰲⱁⰻⰿⰻ.
18:3
ⰻⱓⰴⰰ ⰶⰵ ⱂⱃⰹⰵⰿⱏ ⱄⱂⰻⱃⱘ. ⰺ ⱁⱅⱏ ⰰⱃⱈⰻⰵⱃⰵⰻ. ⰺ ⱇⰰⱃⰻⱄⱑⰻ ⱄⰾⱆⰳⱏⰹ. ⱂⱃⰻⰴⰵ ⱅⰰⰿⱁ ⱄⱏ ⱄⰲⱑⱅⰻⰾⱏⰹ. ⰺ ⱄⰲⱑⱎⱅⰰⰿⰻ ⰻ ⱁⱃⱘⰶⰻⰻ.
18:4
ⰺⱄ҃ ⰶⰵ ⰲⱑⰴⱏⰹ ⰲⱐⱄⱑ ⰳⱃⱔⰴⱘⱎⱅⰰⰰ ⱀⰰ ⱀⱐ. ⰺ҅ⱎⰵⰴⱏ ⱃⰵⱍⰵ ⰻⰿⱏ ⰽⱁⰳⱁ ⰻⱎⱅⰵⱅⰵ.
18:5
ⱁⱅⱏⰲⱑⱎⱅⰰⱎⱔ ⰵⰿⱆ ⰻⱄ҃ ⱀⰰⰸⰰⱃⱑⰰ.
18:6
ⰳⰾ҃ⰰ ⰻⰿⱏ ⰻⱄ҃. ⰰⰸⱏ ⰵⱄⰿⱏ. ⱄⱅⱁⱑⰰⱎⰵ ⰶⰵ ⰻⱓⰴⰰ ⰻⰶⰵ ⰻ ⱂⱃⱑⰴⰰⰰⱎⰵ ⱄⱏ ⱀⰻⰿⰻ. ⰴⰰ ⱑⰽⱁ ⱃⰵⱍⰵ ⰻⰿⱏ ⰰⰸⱏ ⰵⱄⰿⱏ. ⰻⰴⱘ ⰲⱏⱄⱂⱔⱅⱐ. ⰻ ⱂⰰⰴⱘ ⱀⰰ ⰸⰵⰿⰻ.
18:7
ⱂⰰⰽⱏⰹ ⰶⰵ ⱗ ⰲⱏⱂⱃⱁⱄⰻ ⰻⱄ҃. ⰽⱁⰳⱁ ⰻⱎⱅⰵⱅⰵ. ⱁⱀⰻ ⰶⰵ ⱃⱑⱎⱔ ⰻⱄ҃ⰰ ⱀⰰⰸⰰⱃⰵⰰ.
18:8
ⱁⱅⱏⰲⱑⱋⰰ ⰻⱄ҃ ⱃⱑⱈⱏ ⰲⰰⰿⱏ ⱑⰽⱁ ⰰⰸⱏ ⰵⱄⰿⱏ. ⰰⱎⱅⰵ ⰿⰵⱀⰵ ⰻⱎⱅⰵⱅⰵ. ⱀⰵ ⰴⱑⰻⱅⰵ ⱄⰻⱈⱏ ⰻⱅⰻ.
18:9
ⰴⰰ ⱄⱏⰱⱁⰴⰵⱅⱏ ⱄⱔ ⱄⰾⱁⰲⱁ ⰵⰶⰵ ⱃⰵⱍⰵ. ⱑⰽⱁ ⱗⰶⰵ ⰴⰰⰾⱏ ⰵⱄⰻ ⰿⱐⱀⱑ ⱀⰵ ⱂⱁⰳⱆⰱⰻⱈⱏ ⱀⰻⰽⱁⰳⱁⰶⰵ ⱁⱅⱏ ⱀⰻⱈⱏ.
18:10
Ⱄⰻⰿⱁⱀⱏ ⰶⰵ ⱂⰵⱅⱃⱏ ⰻⰿⱏⰹ ⱀⱁⰶⱏ ⰻⰸⰲⰾⱑⱍⰵ ⰻ. ⰻ ⱆⰴⰰⱃⰻ ⰰⱃⱈⰻⰵⱃⰵⱁⰲⰰ ⱃⰰⰱⰰ. ⰺ ⱆⱃⱑⰸⰰ ⰵⰿⱆ ⱆⱈⱁ ⰴⰵⱄⱀⱁⰵ. ⰱⱑ ⰶⰵ ⰻⰿⱔ ⱃⰰⰱⱆ ⰿⰰⰾⱈⱏ.
18:11
ⱃⰵⱍⰵ ⰶⰵ ⰻⱄ҃ⱏ ⱂⰵⱅⱃⱁⰲⰻ. ⰲⱐⱀⱐⰸⰻ ⱀⱁⰶⱏ ⰲⱏ ⱀⱁⰶⱏⱀⰻⱌⱔ. Ⱍⰰⱎⱘ ⱙⰶⰵ ⰴⰰⱄⱅⱏ ⰿⱐⱀⱑ ⱁⱅ҃ⱌⱏ ⱀⰵ ⰻⰿⰰⰿⱐ ⰾⰻ ⱂⰻⱅⰻ ⱗ҅
18:12
ⱄⱂⰻⱃⰰ ⰶⰵ ⰻ ⱅⱏⰹⱄⱘⱎⱅⱏⱀⰻⰽⱏ. ⰺ ⱄⰾⱆⰳⱏⰹ ⰻⱓⰴⰵⰻⱄⰽⱏⰹ. ⱗⱄⱔ ⰻⱄ҃ⰰ ⰻ ⱄⱏⰲⱔⰸⰰⱎⱔ ⰻ.
18:13
ⰺ ⰲⱑⱄⱔ ⰻ ⰽⱏ ⰰⱀⱀⱑ ⱂⱃⱏⰲ ⰵ҅. ⰱⱑ ⰱⱁ ⱅⱐⱄⱅⱐ ⰽⰰⰻⱑⱇⱑ :: ⰽⱘⱙ ⱃⱑⱍⱐ ⱂⱃⰻⱀⱁⱄⰻⱅⰵ ⱀⰰ ⱍⰾ҃ⰽⰰ ⱄⰵⰳⱁ.
18:30
ⱁⱅⱏⰲⱑⱎⱅⰰⱎⱔ ⰶⰵ ⰻ ⱃⱑⱎⱔ ⰵⰿⱆ. ⰰⱎⱅⰵ ⱀⰵ ⰱⰻ ⰱⱏⰹⰾⱏ ⱄⱐ ⰸⱏⰾⱁⰴⱑⰻ. ⱀⰵ ⰱⰻⰿⱐ ⱂⱃⱑⰴⰰⰾⰻ ⰵⰳⱁ ⱅⰵⰱⱑ.
18:31
ⱃⰵⱍⰵ ⰶⰵ ⰻⰿⱏ ⱂⰻⰾⰰⱅⱏ. ⱂⱁⰻⰿⱑⱅⰵ ⰻ ⰲⱏⰹ. ⰻ ⱂⱁ ⰸⰰⰽⱁⱀⱆ ⰲⰰⱎⰵⰿⱆ ⱄⱘⰴⰻⱅⰵ ⰵⰿⱆ. ⱃⱑⱎⱔ ⰶⰵ ⰵⰿⱆ ⰻⱓⰴⰵⰻ. ⱀⰵ ⰴⱁⱄⱅⱁⰻⱅⱏ ⱀⰰⰿⱏ ⱆⰱⰻⱅⰻ ⱀⰻⰽⱁⰳⱁⰶⰵ.
18:32
ⰴⰰ ⱄⰾⱁⰲⱁ ⰻⱄ҃ⰲⱁ ⱄⱏⰱⱘⰴⰵⱅⱏ ⱄⱔ. ⰵⰶⰵ ⱃⰵⱍⰵ ⰽⰾⰵⱂⰾⱔ ⰽⱁⰵⱙ ⱄⱏⰿⱃⱏⱅⱐⱙ ⱈⱁⱅⱑⱎⰵ ⱆⰿⱐⱃⱑⱅⰻ.
18:33
Ⰲⱐⱀⰻⰴⰵ ⰶⰵ ⱂⰰⰽⱏⰹ ⱂⰻⰾⰰⱅⱏ ⰲⱏ ⱂⱃⰵⱅⱁⱃⱏ. ⰺ ⰲⱏⰸⱏⰲⰰ ⰻⱄ҃ⰰ ⰻ ⱃⰵⱍⰵ ⰵⰿⱆ. ⱅⱏⰹ ⰾⰻ ⰵⱄⰻ ⱌⱄ҃ⱃⱏ ⰻⱓⰴⰵⰻⱄⰽⱏ.
18:34
ⱁⱅⱏⰲⱑⱎⱅⰰ {ⰵ}ⰵⰿⱆ ⰻⱄ҃ ⱁ ⱄⰵⰱⱑ ⰾⰻ ⱅⱏⰹ ⰳⰾ҃ⰵⱎⰻ ⱄⰵ. ⰾⰻ ⰻⱀⰻ ⱅⰵⰱⱑ ⱃⱑⱎⱔ ⱁ ⰿⱐⱀⱑ.
18:35
Ⱁⱅⱏⰲⱑⱋⰰ ⱂⰻⰾⰰⱅⱏ. ⰵⰴⰰ ⰰⰸⱏ ⰶⰻⰴⱁⰲⰻⱀⱏ ⰵⱄⰿⱏ ⱃⱁⰴⱏ ⱅⰲⱁⰻ. ⰺ ⰰⱃⱈⰻⰵⱃⰵⰻ ⱂⱃⱑⰴⰰⱎⱔ ⱅⱔ ⰿⱐⱀⱑ. ⱍⱅⱁ ⰵⱄⰻ ⱄⱏⱅⰲⱁⱃⰻⰾⱏ.
18:36
ⱁⱅⱏⰲⱑⱎⱅⰰ ⰻⱄ҃. ⱌⱄ҃ⱃⱄⱅⰲⱁ ⰿⱁⰵ ⱀⱑⱄⱅⱏ ⱁⱅⱏ ⱄⰵⰳⱁ ⰿⰻⱃⰰ. ⰰⱎⱅⰵ ⱁⱅⱏ ⱄⰵⰳⱁ ⰿⰻⱃⰰ ⰱⰻ ⰱⱏⰹⰾⱁ ⱌ!ⱃⱄⱅⰲⱁ ⰿⱁⰵ. ⱄⰾⱆⰳⱏⰹ ⱆⰱⱁ ⰿⱁⱗ ⱂⱁⰴⰲⰻⰷⰰⰾⱏⰹ ⱄⱔ ⰱⱏⰹⱎⱔ. ⰴⰰ ⱀⰵ ⱂⱃⱑⰴⰰⱀⱏ ⰱⰻⰿⱐ ⰻⱓⰴⱑⱁⰿⱏ. ⱀⱏⰹⱀⱑ ⰶⰵ ⱌ!ⱃⱄⱅⰲⱁ ⰿⱁⰵ ⱀⱑⱄⱅⱏ ⱁⱅⱏ ⱄⱘⰴⱆ.
18:37
Ⱃⰵⱍⰵ ⰶⰵ ⰵⰿⱆ ⱂⰻⰾⰰⱅⱏ. ⱆⰱⱁ ⱌⱄ҃ⱃ ⰾⰻ ⰵⱄⰻ ⱅⱏⰹ. ⱁⱅⱏⰲⱑⱋⰰ ⰻⱄ҃. ⱅⱏⰹ ⰳⰾ҃ⰵⱎⰻ ⱑⰽⱁ ⱌⱄ҃ⱃⱐ ⰵⱄⰿⱏ ⰰⰸⱏ. ⰰⰸⱏ ⱀⰰ ⱄⰵ ⱃⱁⰴⰻⱈⱏ ⱄⱔ. ⰻ ⱀⰰ ⱄⰵ ⱂⱃⰻⰴⱏ ⰲⱏ ⰲⱐⱄⱐ ⰿⰻⱃⱏ. ⰴⰰ ⱄⱏⰲⱑⰴⱑⱅⰵⰾⱐⱄⱅⰲⱆⱙ ⱁ ⰺⱄⱅⰻⱀⱑ. ⰲⱐⱄⱑⰽⱏ ⰻ҅ⰶⰵ ⰵⱄⱅⱏ ⱁⱅⱏ ⰻⱄⱅⰻⱀⱏⰹ ⱂⱁⱄⰾⱆⱎⰰⰰⱅⱏ ⰳⰾⰰⱄⰰ ⰿⱁⰵⰳⱁ.
18:38
ⰳⰾ҃ⰰ ⰵⰿⱆ ⱂⰻⰾⰰⱅⱏ ⱍⱅⱁ ⰵⱄⱅⱏ ⰻⱄⱅⰻⱀⰰ. ⰺ ⱄⰵ ⱃⰵⰽⱏ ⱂⰰⰽⱏⰹ ⰻⰸⰻⰴⰵ ⰽⱏ ⰻⱓⰴⱑⱁⰿⱏ. ⰺ ⰳⰾ҃ⰰ ⰻⰿⱏ. ⰰⰸⱏ ⱀⰻ ⰵⰴⰻⱀⱁⱗ ⰲⰻⱀⱏⰹ ⱁⰱⱃⱑⱅⰰⱙ ⰲⱏ ⱀⰵⰿⱐ. ::
18:39
ⰵⱄⱅⱏ ⰶⰵ ⱁⰱⱏⰹⱍⰰⰻ ⰲⰰⰿⱏ. ⰴⰰ ⰵⰴⰻⱀⱁⰳⱁ ⰲⰰⰿⱏ ⱁⱅⱏⱂⱆⱎⱅⱘ ⱀⰰ ⱂⰰⱄⱈⱘ. ⱈⱁⱎⱅⰵⱅⰵ ⰾⰻ ⱆⰱⱁ ⰴⰰ ⱁⱅⱏⱂⱆⱋⱘ ⰲⰰⰿⱏ ⱌⱄ҃ⱃⱑ ⰻⱓⰴⰵⰻⱄⰽⰰ.
18:40
ⰲⱏⰸⱏⱂⰻⱎⱔ ⰶⰵ ⰲⱐⱄⰻ ⰳⰾ҃ⱙⱋⰵ ⱀⰵ ⱄⰵⰳⱁ ⱀⱏ ⰲⰰⱃⰰ[ⰰ]ⰲⰲⱘ. ⰱⱑ ⰶⰵ ⰲⰰⱃⰰⰲⰰ ⱃⰰⰸⰱⱁⰻⱀⰻⰽⱏ.