еванђ҃лие от и!он. нтафати.

си рекъ ис҃. ꙇзиде съ оученикꙑ своими. на онъ полъ потока кедръска. ꙇдеже бѣ врътъ. вь ньже въниде самъ и оученици его :: к!ц ::

Вѣдѣаше же июда иже и прѣдааше мѣсто. ѣко мъножицеѭ събирааше сѧ ис҃ тоу съ оученикꙑ своими.

июда же пріемъ спирѫ. ꙇ отъ архиереи. ꙇ фарисѣи слоугꙑ. приде тамо съ свѣтилꙑ. ꙇ свѣштами и орѫжии.

ꙇс҃ же вѣдꙑ вьсѣ грѧдѫштаа на нь. ꙇ҅шедъ рече имъ кого иштете.

отъвѣшташѧ емоу ис҃ назарѣа.

гл҃а имъ ис҃. азъ есмъ. стоѣаше же июда иже и прѣдааше съ ними. да ѣко рече имъ азъ есмъ. идѫ въспѧть. и падѫ на земи.

пакꙑ же ѩ въпроси ис҃. кого иштете. они же рѣшѧ ис҃а назареа.

отъвѣща ис҃ рѣхъ вамъ ѣко азъ есмъ. аште мене иштете. не дѣите сихъ ити.

да събодетъ сѧ слово еже рече. ѣко ѩже далъ еси мьнѣ не погоубихъ никогоже отъ нихъ.

Симонъ же петръ имꙑ ножъ извлѣче и. и оудари архиереова раба. ꙇ оурѣза емоу оухо десное. бѣ же имѧ рабоу малхъ.

рече же ис҃ъ петрови. вьньзи ножъ въ ножъницѧ. Чашѫ ѭже дастъ мьнѣ от҃цъ не имамь ли пити ѩ҅

спира же и тꙑсѫштъникъ. ꙇ слоугꙑ июдеискꙑ. ѩсѧ ис҃а и съвѧзашѧ и.

ꙇ вѣсѧ и къ аннѣ пръв е҅. бѣ бо тьсть каиѣфѣ :: кѫѭ рѣчь приносите на чл҃ка сего.

отъвѣшташѧ же и рѣшѧ емоу. аште не би бꙑлъ сь зълодѣи. не бимь прѣдали его тебѣ.

рече же имъ пилатъ. поимѣте и вꙑ. и по законоу вашемоу сѫдите емоу. рѣшѧ же емоу июдеи. не достоитъ намъ оубити никогоже.

да слово ис҃во събѫдетъ сѧ. еже рече клеплѧ коеѭ съмрътьѭ хотѣше оумьрѣти.

Вьниде же пакꙑ пилатъ въ преторъ. ꙇ възъва ис҃а и рече емоу. тꙑ ли еси цс҃ръ июдеискъ.

отъвѣшта {е}емоу ис҃ о себѣ ли тꙑ гл҃еши се. ли ини тебѣ рѣшѧ о мьнѣ.

Отъвѣща пилатъ. еда азъ жидовинъ есмъ родъ твои. ꙇ архиереи прѣдашѧ тѧ мьнѣ. что еси сътворилъ.

отъвѣшта ис҃. цс҃рство мое нѣстъ отъ сего мира. аште отъ сего мира би бꙑло ц!рство мое. слоугꙑ оубо моѩ подвиѕалꙑ сѧ бꙑшѧ. да не прѣданъ бимь июдѣомъ. нꙑнѣ же ц!рство мое нѣстъ отъ сѫдоу.

Рече же емоу пилатъ. оубо цс҃р ли еси тꙑ. отъвѣща ис҃. тꙑ гл҃еши ѣко цс҃рь есмъ азъ. азъ на се родихъ сѧ. и на се придъ въ вьсь миръ. да съвѣдѣтельствоуѭ о ꙇстинѣ. вьсѣкъ и҅же естъ отъ истинꙑ послоушаатъ гласа моего.

гл҃а емоу пилатъ что естъ истина. ꙇ се рекъ пакꙑ изиде къ июдѣомъ. ꙇ гл҃а имъ. азъ ни единоѩ винꙑ обрѣтаѭ въ немь. ::

естъ же обꙑчаи вамъ. да единого вамъ отъпоуштѫ на пасхѫ. хоштете ли оубо да отъпоущѫ вамъ цс҃рѣ июдеиска.

възъпишѧ же вьси гл҃ѭще не сего нъ вара[а]ввѫ. бѣ же варава разбоиникъ.