ЕВАНГЕЛИЕ ЕЖЕ Ѿ ІОАННА
16:1
ⱄⰻ ⰳⰾ҃ⰰⱈⱏ ⰲⰰⰿⱏ. ⰴⰰ ⱀⰵ ⱄⱏⰱⰾⰰⰸⱀⰻⱅⰵ ⱄⱔ.
16:2
ⱁⱅⱏ ⱄⱏⱀⱐⰿⰻⱎⱅⱏ ⰻⰶⰴⰵⱀⱘⱅⱏ ⰲⱏⰹ. ⱀⱏ ⱂⱃⰻⰴⰵⱅⱏ ⰳⱁⰴⰻⱀⰰ. ⰴⰰ ⰲⱐⱄⱑⰽⱏ ⰻⰶⰵ ⱆⰱⰻⰵⱅⱏ ⰲⱏⰹ. ⰿⱐⱀⰻⱅⱏ ⱄⱔ ⱄⰾⱆⰶⱏⰱⱘ ⱂⱃⰻⱀⱁⱄⰻⱅⰻ ⰱ҃ⱆ ::
16:3
Ⰺ ⱄⰻ ⱄⱏⱅⰲⱁⱃⱔⱅⱏ ⰲⰰⰿⱏ. ⱑⰽⱁ ⱀⰵ ⱂⱁⰸⱀⰰⱎⱔ ⱁⱅ҃ⱌⰰ ⱀⰻ ⰿⰵⱀⰵ.
16:4
ⱀⱏ ⱄⰵ ⰳⰾ҃ⰰⱈⱏ ⰲⰰⰿⱏ. ⰴⰰ ⰵⰳⰴⰰ ⱂⱃⰻⰴⰵⱅⱏ ⰳⱁⰴⰻⱀⰰ. ⱂⱁⰿⰻⱀⰰⰰⱅⰵ ⱄⰻ. ⱑⰽⱁ ⰰⰸⱏ ⱃⱑⱈⱏ ⰲⰰⰿⱏ. ⱄⰻⱈⱏ ⰶⰵ ⰲⰰⰿⱏ ⰻⱄⱂⱃⱏⰲⰰ ⱀⰵ ⱃⱑⱈⱏ. ⱑⰽⱁ ⱄⱏ ⰲⰰⰿⰻ ⰱⱑⱈⱏ.
16:5
ⱀⱏ[ⰹ]ⱀⱑ ⰶⰵ ⰻⰴⱘ ⰽⱏ ⱂⱁⱄⱏⰾⰰⰲⱏⱎⱓⰿⱆ ⰿⱔ. ⰺ ⱀⰻⰽⱅⱁⰶⰵ ⱁⱅⱏ ⰲⰰⱄⱏ ⱀⰵ ⰲⱏⱂⱃⰰⱎⰰⰰⱅⱏ ⰿⰵⱀⰵ ⰽⰰⰿⱁ ⰻⰴⰵⱎⰻ.
16:6
ⱀⱏ ⱑⰽⱁ ⱄⰻ ⰳⰾ҃ⰰⱈⱏ ⰲⰰⰿⱏ. ⱄⰽⱃⱏⰱⰻ ⰻⱄⱂⰾⱏⱀⱐ ⱄⱃⱏⰴⱏⱌⰰ ⰲⰰⱎⰰ.
16:7
ⱀⱏ ⰰⰸⱏ ⰻⱄⱅⰻⱀⱘ ⰲⰰⰿⱏ ⰳⰾ҃ⱙ. ⱆⱀⱑⰵ ⰵⱄⱅⱏ ⰲⰰⰿⱏ ⰴⰰ ⰰⰸⱏ ⰻⰴⱘ. ⰰⱎⱅⰵ ⰱⱁ ⱀⰵ ⰻⰴⱘ ⰰⰸⱏ. ⱂⰰⱃⰰⰽⰾⰻⱅⱏ ⱀⰵ ⱂⱃⰻⰴⰵⱅⱏ ⰽⱏ ⰲⰰ{ⰿⰰ}ⰿⱏ. ⰰⱎⱅⰵ ⰾⰻ ⰶⰵ ⰻⰴⱘ. ⱂⱁⱄⱏⰾⱙ ⰻ ⰽⱏ ⰲⰰⰿⱏ.
16:8
ⰻ ⱂⱃⰻⱎⰵⰴⱏ ⱁⱀⱏ. ⱁⰱⰾⰻⱍⰻⱅⱏ ⰿⰻⱃⰰ. ⱁ ⰳⱃⱑⱄⱑ ⰻ ⱁ ⱂⱃⰰⰲⱏⰴⱑ ⰻ ⱁ ⱄⱘⰴⱑ.
16:9
ⱁ ⰳⱃⱑⱄⱑ ⱆⰱⱁ ⱑⰽⱁ ⱀⰵ ⰲⱑⱃⱆⱙⱅⱏ ⰲⱏ ⰿⱔ.
16:10
ⱁ ⱂⱃⰰⰲⱐⰴⱑ ⰶⰵ ⱑⰽⱁ ⰽⱏ ⱁⱅⱐⱌⱓ ⰻⰴⱘ. ⰺ ⰽⱏ ⱅⱁⰿⱆ ⱀⰵ ⰲⰻⰴⰻⱅⰵ ⰿⰵⱀⰵ.
16:11
ⱁ ⱄⱘⰴⱑ ⰶⰵ ⱑⰽⱁ ⰽⱏⱀⱔⰷⱏ ⰿⰻⱃⰰ ⱄⰵⰳⱁ ⱁⱄⱘⰶⰴⰵⱀⱏ ⰱⱏⰹⱄⱅⱏ.
16:12
ⰵⱋⰵ ⰿⱏⱀⱁⰳⱁ ⰻⰿⰰⰿⱏ ⰳⰾ҃ⰰⱅⰻ ⰲⰰⰿⱏ. ⱀⱏ ⱀⰵ ⰿⱁⰶⰵⱅⰵ ⱀⱁⱄⰻⱅⰻ ⱀⱏⰹⱀⱑ.
16:13
ⰵⰳⰴⰰ ⰶⰵ ⱂⱃⰻⰴⰵⱅⱏ ⱁⱀⱏ. ⰴⱈ҃ⱏ ⰻⱄⱅⰻⱀⱏⱀⱏⰹ. ⱀⰰⱄⱅⰰⰲⰻⱅⱏ ⰲⱏⰹ ⱀⰰ ⰲⱐⱄⱑⰽⱘ ⰻⱄⱅⰻⱀⱘ :: ⰽ!ⱌ :: ⱀⰵ ⱁ ⱄⰵⰱⱑ ⰱⱁ ⰳⰾ҃ⰰⱅⰻ ⰻⰿⰰⱅⱏ. ⱀⱏ ⰵⰾⰻⰽⱁ ⰰⱋⰵ ⱆⱄⰾⱏⰹⱎⰻⱅⱏ. ⰳⰾ҃ⰰⱅⰻ ⰻⰿⰰⱅⱏ. ⰺ ⰳⱃⱔ{ⰴⱘ}ⰴⱘⱎⱅⰰⰰ ⰲⱏⰸⰲⱑⱄⱅⰻⱅⱏ ⰲⰰⰿⱏ.
16:14
ⱁⱀⱏ ⰿⱔ ⱂⱃⱁⱄⰾⰰⰲⰻⱅⱏ. ⱑⰽⱁ ⱁⱅⱏ ⰿⱁⰵⰳⱁ ⱂⱃⰻⰻⰿⰵⱅⱏ. ⰺ ⰲⱐⰸⰲⱑⱄⱅⰻⱅⱏ ⰲⰰⰿⱏ ::
16:15
Ⰲⱐⱄⱑ ⰵⰾⰻⰽⱁ ⰻⰿⰰⱅⱏ ⱁⱅⰵⱌⱏ ⰿⱁⱑ ⱄⱘⱅⱏ. ⱄⰵⰳⱁ ⱃⰰⰴⰻ ⱃⱑⱈⱏ ⰲⰰⰿⱏ ⱑⰽⱁ ⱁⱅⱏ ⰿⱁⰵⰳⱁ ⱂⱃⰻⰻⰿⰵⱅⱏ ⰻ ⰲⱏⰸⰲⱑⱄⱅⰻⱅⱏ ⰲⰰ[ⰿⱐ].
16:16
ⰲⱏ ⰿⰰⰾⱑ ⰻ ⰽ ⱅⱁⰿⱆ ⱀⰵ ⰲⰻⰴⰻⱅⰵ ⰿⰵⱀⰵ. ⰻ ⱂⰰⰽⱏⰹ ⰲⱏ ⰿⰰⰾⱑ ⰻ ⱆⰸⱏⱃⰻⱅⰵ ⰿⱔ. ⰻ ⱑⰽⱁ ⰻⰴⱘ ⰽⱏ ⱁⱅ҃ⱌⱓ.
16:17
Ⱃⱑⱎⱔ ⰶⰵ ⱁⱅⱏ ⱆⱍⰵⱀⰻⰽⱏ ⰵⰳⱁ ⰽⱏ ⱄⰵⰱⱑ. ⱍⱅⱁ ⰵⱄⱅⱏ ⱄⰵ ⰵⰶⰵ ⰳⰾ҃ⰵⱅⱏ ⱀⰰⰿⱏ. ⰲⱏ ⰿⰰⰾⱑ ⰻ ⱀⰵ ⰲⰻⰴⰻⱅⰵ ⰿⰵⱀⰵ. ⰺ ⱂⰰⰽⱏⰹ ⰲⱏ ⰿⰰⰾⱑ ⰻ ⱆⰸⱐⱃⰻⱅⰵ ⰿⱔ ⰺ ⱑⰽⱁ ⰻⰴⱘ ⰽⱏ ⱁⱅ҃ⱌⱓ.
16:18
ⰳⰾ҃ⰰⰰⱈⱘ ⰶⰵ ⱍⱅⱁ ⰵⱄⱅⱏ ⱄⰵ ⰵⰶⰵ ⰳⰾ҃ⰵⱅⱏ ⰲⱏ ⰿⰰⰾⱑ. ⱀⰵ ⰲⱑⰿⱐ ⱍⱅⱁ ⰳⰾ҃ⰵⱅⱏ.
16:19
Ⱃⰰⰸⱆⰿⱑ ⰶⰵ ⰻⱄ҃. ⱑⰽⱁ ⱈⱁⱅⱑⱈⱘ ⰻ ⰲⱏⱂⱃⰰⱎⰰⱅⰻ. ⰻ ⱃⰵⱍⰵ ⰻⰿⱏ ⱁ ⱄⰵⰿⱐ ⰾⰻ ⱄⱏⱅⱔⰷⰰⰵⱅⰵ ⱄⱔ ⰿⰵⰶⰴⱓ ⱄⱁⰱⱁⱙ. ⱑⰽⱁ ⱃⱑⱈⱏ ⰲⱏ ⰿⰰⰾⱑ ⰻ ⱀⰵ ⰲⰻⰴⰻⱅⰵ ⰿⰵⱀⰵ. ⰺ ⱂⰰⰽⱏⰹ ⰲⱏ ⰿⰰⰾⱑ ⰻ ⱆⰸⱐⱃⰻⱅⰵ ⰿⱔ.
16:20
ⰰⰿⰻⱀⱐ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⰲⱏⱄ[ⱂ]ⰾⰰⱍⰵⱅⰵ ⱄⱔ ⰻ ⰲⱏⰸⰴⱃⱏⰹⰴⰰⰰ{ⰰ}ⱅⰵ ⰲⱏⰹ. ⰻ ⰿⰻⱃⱏ ⰲⱏⰸⰴⱃⰰⰴⱆⱆⱅⱏ ⱄⱔ. ⰲⱏⰹ ⰶⰵ ⱂⰵⱍⰰⰾⱐⱀⰻ ⰱⱘⰴⰵⱅⰵ. ⱀⱏ ⱂⰵⱍⰰⰾⱐ ⰲⰰⱎⰰ ⰲⱏ ⱃⰰⰴⱁⱄⱅⱏ ⰱⱘⰴⰵⱅⱏ.
16:21
ⰶⰵⱀⰰ ⰵⰳⰴⰰ ⱃⰰⰶⰴⰰⰰⱅⱏ. ⱂⰵⱍⰰⰾⱐ ⰻⰿⰰⱅⱏ. ⱑⰽⱁ ⱂⱃⰻⰴⰵ ⰳⱁⰴⱐ ⰵⱗ. ⰵⰳⰴⰰ ⰶⰵ ⱃⱁⰴⰻⱅⱏ ⱁⱅⱃⱁⱍⱔ. ⰽⱏ ⱅⱁⰿⱆ ⱀⰵ ⱂⱁⰿⱐⱀⰻⱅⱏ ⱄⰽⱃⱏⰱⰻ ⰸⰰ ⱃⰰⰴⱁⱄⱅⱏ. ⱑⰽⱁ ⱃⱁⰴⰻ ⱄⱔ ⱍⰾⰲ҃ⰽⱏ ⰲⱏ ⰿⰻⱃⱏ.
16:22
ⰺ ⰲⱏⰹ ⰶⰵ ⱆⰱⱁ ⱀⱏⰹⱀⱑ ⱂⰵⱍⰰⰾⱐⱀⰻ ⰱⱘⰴⰵⱅⰵ. ⱂⰰⰽⱏⰹ ⰶⰵ ⱆⰸⱐⱃⱙ ⰲⱏⰹ ⰻ ⰲⱏⰸⰴⱃⰰⰴⱆⱆⱅⱏ ⱄⱔ ⱄⱃⰴ҃ⱌⰵ ⰲⰰⱎⰵ. ⰺ ⱃⰰⰴⱁⱄⱅⰻ ⰲⰰⱎⰵⱗ ⱀⰻⰽⱅⱁⰶⰵ ⱀⰵ ⰲⱐⰸⱏⰿⰵⱅⱏ ⱁⱅⱏ ⰲⰰⱄⱏ.
16:23
ⰺ ⰲⱏ ⱅⱏ ⰴⱐⱀⱐ ⰿⰵⱀⰵ ⱀⰵ ⰲⱏⱂⱃⱁⱄⰻⱅⰵ ⱀⰻⱍⰵⱄⱁⰶⰵ :: Ⰰⰿⰻⱀⱐ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⰰⱋⱅⰵ ⱍⰵⱄⱁ ⱂⱃⱁⱄⰻⱅⰵ ⱁⱅⱏ ⱁⱅ҃ⱌⰰ ⰲⱏ ⰹⰿⱔ ⰿⱁⰵ. ⰴⰰⱄⱅⱏ ⰲⰰⰿⱏ.
16:24
ⰴⱁ ⱄⰵⰾⱑ ⱀⰵ ⱂⱃⱁⱄⰻⱄⱅⰵ ⱀⰻⱍⰵⱄⱁⰶⰵ ⰲⱏ ⰹⰿⱔ ⰿⱁⰵ. ⱂⱃⱁⱄⰻⱅⰵ ⰻ ⱂⱃⰻⰿⰵⱅⰵ. ⰴⰰ ⱃⰰⰴⱁⱄⱅⱏ ⰲⰰⱎⰰ ⰻⱄⱂⰾⱏⱀⰵⱀⰰ ⰱⱘⰴⰵⱅⱏ.
16:25
ⱄⰻ ⰲⱏ ⱂⱃⰻⱅⱏⱍⰰⱈⱏ ⰳⰾ҃ⰰⱈⱏ ⰲⰰⰿⱏ. ⱀⱏ ⱂⱃⰻⰴⰵⱅⱏ ⰳⱁⰴⰻⱀⰰ. ⰵⰳⰴⰰ ⰽⱏ ⱅⱁⰿⱆ ⰲⱏ ⱂⱃⰻⱅⱏⱍⰰⱈⱏ ⱀⰵ ⰳⰾ҃ⱙ ⰲⰰⰿⱏ. ⱀⱏ ⱀⰵ ⱁⰱⰻⱀⱆⱗ ⱄⱔ ⱁ ⱁⱅ҃ⱌⰻ ⰲⱏⰸⰲⱑⱎⱅⱘ ⰲⰰⰿⱏ.
16:26
ⰲⱏ ⱅⱏ ⰴⰵⱀⱐ ⰲⱏ ⰹⰿⱔ ⰿⱁⰵ ⰲⱏⱄⱂⱃⱁⱄⰻⱅⰵ. ⰺ ⱀⰵ ⰳⰾ҃ⱙ ⰲⰰⰿⱏ. ⱑⰽⱁ ⰰⰸⱏ ⱆⰿⱁⰾⱙ ⱁⱅ҃ⱌⰰ ⱁ ⰲⰰⱄⱏ.
16:27
ⱄⰰⰿⱏ ⰱⱁ ⱁⱅⰵⱌⱏ ⰾⱓⰱⰻⱅⱏ ⰲⱏⰹ. ⱑⰽⱁ ⰲⱏⰹ ⰿⰵⱀⰵ ⰲⱏⰸⰾⱓⰱⰻⱄⱅⰵ. ⰺ ⰲⱑⱃⱁⰲⰰⱄⱅⰵ ⱑⰽⱁ ⰰⰸⱏ ⱁⱅⱏ ⰱ҃ⰰ ⰻⰸⰻⰴⱏ.
16:28
ⰺⰸⰻⰴⱏ ⱁⱅⱏ ⱁⱅ҃ⱌⰰ. ⰻ ⱂⱃⰻⰴⱏ ⰲⱏ ⰿⰻⱃⱐ. ⱂⰰⰽⱏⰹ ⱁⱄⱅⰰⰲⰾⱑⱙ ⰿⰻⱃⱏ. ⰺ ⰻⰴⱘ ⰽⱏ ⱁⱅ҃ⱌⱆ.
16:29
ⰳⰾ҃ⰰⱎⱔ ⰵⰿⱆ ⱆⱍⰵⱀⰻⱌⰻ ⰵⰳⱁ. ⱄⰵ ⱀⱏⰹⱀⱑ ⱀⰵ ⱁⰱⰻⱀⱆⱗ ⱄⱔ ⰳⰾⰰⰳⱁⰾⰵⱎⰻ. ⰰ ⱂⱃⰻⱅⱏⱍⱔ ⱀⰻⰽⱁⱗⰶⰵ ⱀⰵ ⰳⰾ҃ⰵⱎⰻ.
16:30
ⱀⱏⰹⱀⱑ ⰲⱑⰿⱏ ⱑⰽⱁ ⰲⱑⱄⰻ ⰲⱐⱄⱑ ⰻ ⱀⰵ ⱅⱃⱑⰱⱆⰵⱎⰻ ⰴⰰ ⰽⱅⱁ ⱅⱔ ⰲⱏⱂⱃⰰⱎⰰⰰⱅⱏ. ⱁ ⱄⰵⰿⱐ ⰲⱑⱃⱆⰵⰿⱏ ⱑⰽⱁ ⱁⱅⱏ ⰱ҃ⰰ ⰻⱎⰵⰾⱏ ⰵⱄⰻ.
16:31
ⱁⱅⱏⰲⱑⱎⱅⰰ ⰻⰿⱏ ⰻⱄ҃. ⱀⱏⰹⱀⱑ ⰾⰻ ⰲⱑⱃⱆⱆⱅⰵ.
16:32
ⱄⰵ ⰳⱃⱔⰴⰵⱅⱏ ⰳⱁⰴⰻⱀⰰ ⰻ ⱀⱏⰹⱀⱑ ⱂⱃⰻⰴⰵ. ⰴⰰ ⱃⰰⰸⰻⰴⰵⱅⱏ ⱄⱔ ⰽⱁⰶⱏⰴⱁ ⰲⱏ ⱄⰲⱁⱑ. ⰺ ⰿⰵⱀⰵ ⰵⰴⰻⱀⱁⰳⱁ ⱁⱄⱅⰰⰲⰻⱅⰵ. ⰺ ⱀⱑⱄⰿⱏ ⰵⰴⰻⱀⱏ ⱑⰽⱁ ⱁⱅⰵⱌⱏ ⱄⱏ ⰿⱏⱀⱁⱙ ⰵⱄⱅⱏ.
16:33
ⱄⰻ ⰳⰾ҃ⰰⱈⱏ ⰲⰰⰿⱏ. ⰴⰰ ⰲⱏ ⰿⱐⱀⱑ ⰿⰻⱃⰰ ⰻⰿⰰⱅⰵ. :: ⰽ!ⱌ :: ⰲⱏ ⰿⰻⱃⱑ ⱄⰽⱃⱏⰱⱐⱀⰻ ⰱⱘⰴⰵⱅⰵ. ⱀⱏ ⰴⱃⱏⰸⰰⰻⱅⰵ ⰰⰸⱏ ⱂⱁⰱⱑⰴⰻⱈⱏ ⰿⰻⱃⰰ.