ЕВАНГЕЛИЕ ЕЖЕ Ѿ ІОАННА
14:1
Ⰴⰰ ⱀⰵ ⱄⱏⰿⱘⱎⱅⰰⰰⱅⱏ ⱄⱔ ⰲⰰⱎⰵ ⱄⱃⰴ҃ⱌⰵ. ⰲⱑⱃⱆⰻⱅⰵ ⰲⱏ ⰱ҃ⰰ ⰻ ⰲⱏ ⰿⱔ ⰲⱑⱃⱆⰻⱅⰵ.
14:2
ⰲⱏ ⰴⱁⰿⱆ ⱁⱅ҃ⱌⰰ ⰿⱁⰵⰳⱁ ⱁⰱⰻⱅⱑⰾⰻ ⰿⱏⱀⱁⰳⱏⰹ ⱄⱘⱅⱏ. ⰰⱎⱅⰵ ⰾⰻ ⰶⰵ ⱀⰻ ⱃⰵⰽⰾⱏ ⰱⰻⰿⱏ ⰲⰰⰿⱏ. ⱑⰽⱁ ⰻⰴⱘ ⱆⰳⱁⱅⱁⰲⰰⱅⰻ ⰿⱑⱄⱅⱁ ⰲⰰⰿⱏ.
14:3
ⰻ ⱑⱎⱅⰵ ⰻⰴⱘ ⱆⰳⱁⱅⱁⰲⰰⱙ ⰿⱑⱄⱅⱁ ⰲⰰⰿⱏ. ⱂⰰⰽⱏⰹ ⱂⱃⰻⰴⱘ ⰻ ⱂⱁⰻⰿⱘ ⰲⱏⰹ ⰽⱏ ⱄⰵⰱⱑ. ⰴⰰ ⰻⰴⰵⰶⰵ ⰵⱄⰿⱏ ⰰⰸⱏ ⰻ ⰲⱏⰹ ⰱⱘⰴⰵⱅⰵ.
14:4
ⰻ ⱑⰿⱁⰶⰵ ⰰⰸⱏ ⰻⰴⱘ ⰲⱑⱄⱅⰵ. ⰻ ⱂⱘⱅⱐ ⰲⱑⱄⱅⰵ.
14:5
ⰳⰾ҃ⰰ ⰵⰿⱆ ⱅⱁⰿⰰ ⰳ҃ⰻ ⱀⰵ ⰲⱑⰿⱐ ⰽⰰⰿⱁ ⰻⰴⰵⱎⰻ. ⰺ ⰽⰰⰽⱁ ⱂⱘⱅⱏ ⰿⱁⰶⰵⰿⱏ ⰲⱑⰴⱑⱅⰻ.
14:6
ⰳⰾ҃ⰰ ⰵⰿⱆ ⰻⱄ҃. ⰰⰸⱏ ⰵⱄⰿⱏ ⱂⱘⱅⱐ ⰻ ⰻⱄⱅⰻⱀⰰ ⰻ ⰶⰻⰲⱁⱅⱏ. ⱀⰻⰽⱅⱁⰶⰵ ⱂⱃⰻⰴⰵⱅⱏ ⰽⱏ ⱁⱅⱐⱌⱓ ⱅⱏⰽⱏⰿⱁ ⰿⱏⱀⱁⱙ.
14:7
ⰰⱎⱅⰵ ⰿⱔ ⰱⰻⱄⱅⰵ ⰸⱀⰰⰾⰻ ⰻ ⱁⱅⱏⱌⰰ ⰿⱁⰵⰳⱁ ⰸⱀⰰⰾⰻ ⰱⰻⱄⱅⰵ ⱆⰱⱁ. ⰻ ⱁⱅⱏ ⱄⰵⰾⱑ ⱂⱁⰸⱀⰰⰰⱅⰵ ⰻ ⰻ ⱆⰲⱑⰴⱑⱄⱅⰵ ⰻ.
14:8
ⰳⰾ҃ⰰ ⰵⰿⱆ ⱇⰻⰾⰻⱂⱏ. ⰳ҃ⰻ ⱂⱁⰽⰰⰶⰻ ⱀⰰⰿⱏ ⱁⱅⱏⱌⰰ ⰻ ⰴⱁⰲⱐⰾⰵⱅⱏ ⱀⰰⰿⱏ.
14:9
ⰳⰾ҃ⰰ ⰵⰿⱆ ⰻⱄ҃. ⱅⱁⰾⰻⰽⱁ ⰾⰻ ⰲⱃⱑⰿⱔ ⱄⱏ ⰲⰰⰿⰻ ⰵⱄⰿⱏ ⰻ ⱀⰵ ⱂⱁⰸⱀⰰ ⰾⰻ ⰿⰵⱀⰵ ⱇⰻⰾⰻⱂⰵ. ⰲⰻⰴⱑⰲⱏⰹ ⰿⱔ ⰲⰻⰴⱑ ⱁⱅⱌⰰ. ⰻ ⰽⰰⰽⱁ ⱅⱏⰹ ⰳⰾ҃ⰵⱎⰻ ⱂⱁⰽⰰⰶⰻ ⱀⰰⰿⱏ !ⱁⱅⱏⱌⰰ.
14:10
ⱀⰵ ⰲⱑⱃⱆⰵⱎⰻ ⰾⰻ ⱑⰽⱁ ⰰⰸⱏ ⰲⱏ ⱁⱅ҃ⱌⰻ ⰻ ⱁⱅⰵⱌⱏ ⰲⱐ ⰿⱀⱑ ⰵⱄⱅⱏ :: !Ⰳⰾⱏⰹ ⱗⰶⰵ ⰰⰸⱏ ⰳⰾ҃ⱙ ⰲⰰⰿⱏ ⱁ ⱄⰵⰱⱑ ⱀⰵ ⰳⰾ҃ⱙ. ⱁⱅ҃ⱌⱏ ⰶⰵ ⱂⱃⱑⰱⱏⰹⰲⰰⱗⰻ ⰲⱏ ⰿⱐⱀⱑ ⱅⱏ ⱅⰲⱁⱃⰻⱅⱏ ⰴⱑⰾⰰ.
14:11
ⰲⱑⱃⱘ ⰻⰿⱑⱅⰵ ⰿⱐⱀⱑ ⱑⰽⱁ ⰰⰸⱏ ⰲⱏ ⱁⱅⱐⱌⰻ ⰻ ⱁⱅⱏⱌⱏ ⰲⱏ ⰿⱐⱀⱑ. ⰰⱎⱅⰵ ⰾⰻ ⰶⰵ ⱀⰻ ⰸⰰ ⱅⰰ ⰴⱑⰾⰰ ⰲⱑⱃⱘ ⰵⰿⰾⰵⱅⰵ ⰿⰻ.
14:12
ⰰⰿⰻⱀ. ⰰⰿⰻⱀ ⰳⰾ҃ⱙ ⰲⰰⰿⱏ. ⰲⱑⱃⱆⱗⰻ ⰲⱏ ⰿⱔ ⰴⱑⰾⰰ ⱑⰶⰵ ⰰⰸⱏ ⱅⰲⱁⱃⱙ. ⰻ ⱅⱏ ⱄⱏⱅⰲⱁⱃⰻⱅⱏ. ⰻ ⰱⱁⰾⱐⱎⰰ ⱄⱏⱅⰲⱁⱃⰻⱅⱏ ⱄⰻⱈⱏ. ⱑⰽⱁ ⰰⰸⱏ ⰽⱏ ⱁⱅⱐⱌⱓ ⰳⱃⱔⰴⱘ.
14:13
ⰺ҅ ⰵⰳⱁⰶⰵ ⰽⱁⰾⰻⰶⱏⰴⱁ ⱂⱃⱁⱄⰻⱅⰵ ⰲⱏ ⰹⰿⱔ ⰿⱁⰵ. ⱅⱁ ⱄⱏⱅⰲⱁⱃⱙ. ⰴⰰ ⱂⱃⱁⱄⰾⰰⰲⰻⱅⱏ ⱄⱔ ⱁⱌ҃ⱏ ⱁ ⱄⱀ҃ⱑ.
14:14
ⰺ ⰰⱎⱅⰵ ⱍⰵⱄⱁ ⱂⱃⱁⱄⰻⱅⰵ ⰲⱏ ⰹⰿⱔ ⰿⱁⰵ ⰰⰸⱏ ⱄⱏⱅⰲⱁⱃⱙ.
14:15
ⰰⱎⱅⰵ ⰾⱓⰱⰻⱅⰵ ⰿⱔ ⰸⰰⱂⱁⰲⱑⰴⰻ ⰿⱁⱗ ⱄⱏⰱⰾⱓⰴⱑⱅⰵ.
14:16
ⰺ ⰰⰸⱏ ⱆⰿⱁⰾⱙ ⱁⱅ҃ⱌⰰ. ⰺ ⰻⱀⱁⰳⱁ ⱂⰰⱃⰰⰽⰾⰻⱅⰰ ⰴⰰⱄⱅⱏ ⰲⰰⰿⱏ. ⰴⰰ ⰱⱘⰴⰵⱅⱏ ⱄⱏ ⰲⰰⰿⰻ ⰲⱐ ⰲⱑⰽⱏ.
14:17
ⰴⱈ҃ⱏ ⰻⱄⱅⰻⱀⱏⱀⱏⰹ. ⰵⰳⱁⰶⰵ ⰿⰻⱃⱏ ⱀⰵ ⰿⱁⰶⰵⱅⱏ ⱂⱃⰻⱗⱅⰻ. ⱑⰽⱁ ⱀⰵ ⰲⰻⰴⰻⱅⱏ ⰵⰳⱁ ⱀⰻ ⰸⱀⰰⰰⱅⱏ ⰵⰳⱁ. ⰲⱏⰹ ⰶⰵ ⰸⱀⰰⰰⱅⰵ ⰻ. ⱑⰽⱁ ⰲⱏ ⰲⰰⱄⱏ ⱂⱃⱑⰱⱏⰹⰲⰰⰰⱅⱏ. ⰻ ⰲⱏ ⰲⰰⱄⱏ ⰱⱘⰴⰵⱅⱏ
14:18
ⱀⰵ ⱁⱄⱅⰰⰲⰾⱙ ⰲⰰⱄⱏ ⱄⰻⱃⱏ. ⱂⱃⰻⰴⱘ ⰽⱏ ⰲⰰⰿⱏ.
14:19
ⰵⱎⱅⰵ ⰿⰰⰾⱁ ⰻ ⰿⰻⱃⱏ ⰽ ⱅⱁⰿⱆ {ⱀⰵ} ⱀⰵ ⰲⰻⰴⰻⱅⱏ ⰿⰵⱀⰵ. ⰲⱏⰹ ⰶⰵ ⰲⰻⰴⰻⱅⰵ ⰿⱔ. ⱑⰽⱁ ⰰⰸⱏ ⰶⰻⰲⱘ ⰻ ⰲⱏⰹ ⰶⰻⰲⰻ ⰱⱘⰴⰵⱅⰵ.
14:20
ⰲⱏ ⱅⱏ ⰴⰵⱀⱐ ⱃⰰⰸⱆⰿⱑⰰⱅⰵ ⱑⰽⱁ ⰰⰸⱏ ⰲⱏ ⱁⱅ҃ⱌⰻ. ⰿⱁⰵⰿⱐ. ⰺ ⰲⱏⰹ ⰲⱏ ⰿⱐⱀⱑ ⰻ ⰰⰸⱏ ⰲⱏ ⰲⰰⱄⱏ.
14:21
ⰺⰿⱑⱗⰻ ⰸⰰⱂⱁⰲⱑⰴⰻ ⰿⱁⱗ ⰻ ⱄⱏⰱⰾⱓⰴⰰⱗ ⱗ. ⱅⱏ ⰵⱄⱅⱏ ⰾⱓⰱⱔⰻ ⰿⱔ. ⰰ ⰾⱓⰱⱔⰻ ⰿⱔ ⰲⱐⰸⰾⱓⰱⰾⰵⱀⱏ ⰱⱘⰴⰵⱅⱏ ⱁⱅ҃ⱌⰿⱏ ⰿⱁⰻⰿⱐ. ⰻ ⰰⰸⱏ ⰲⱏⰸⰾⱓⰱⰾⱓ ⰻ. ⰺ ⱑⰲⰾⱙ ⱄⱔ ⰵⰿⱆ ⱄⰰⰿⱏ :: ⰽ!ⱌ.
14:22
ⰳⰾ҃ⰰ ⰵⰿⱆ ⰻⱓⰴⰰ ⱀⰵ ⰻⱄⰽⰰⱃⰻⱁⱅⱏⱄⰽⱏⰹ. ⰳ҃ⰻ ⰻ ⱍⱅⱁ ⰱⱏⰹⱄⱅⱏ ⱑⰽⱁ ⱀⰰⰿⱏ ⱈⱁⱎⱅⰵⱎⰻ ⱄⱔ ⰰⰲⰻⱅⰻ. ⰰ ⱀⰵ ⰲⱐⱄⰵⰿⱆ ⰿⰻⱃⱆ.
14:23
ⱁⱅⱏⰲⱑⱋⰰ ⰻⱄ҃ ⰻ ⱃⰵⱍⰵ ⰵⰿⱆ. ⰰⱎⱅⰵ ⰽⱅⱁ ⰾⱓⰱⰻⱅⱏ ⰿⱔ. ⱄⰾⱁⰲⱁ ⰿⱁⰵ ⱄⱏⰱⰾⱓⰴⰵⱅⱏ. ⰺ ⱁⱅ҃ⱌⱏ ⰿⱁⰻ ⰲⱐⰸⰾⱓⰱⰻⱅⱏ ⰹ. ⰺ ⰽⱏ ⱀⰵⰿⱆ ⰻⰴⰵⰲⱑ. ⰺ ⱁⰱⰻⱅⱑⰾⱐ ⱆ ⱀⰵⰳⱁ ⱄⱏⱅⰲⱁⱃⰻⰲⱑ.
14:24
ⱀⰵ ⰾⱓⰱⱔⰻ ⰿⰵⱀⰵ ⱄⰾⱁⰲⰵⱄⱏ ⰿⱁⰻⱈⱏ ⱀⰵ ⱄⱏⰱⰾⱓⰴⰰⰵⱅⱏ. ⰺ ⱄⰾⱁⰲⱁ ⰵⰶⰵ ⱄⰾⱏⰹⱎⰻⱅⰵ. ⱀⱑⱄⱅⱏ ⰿⱁⰵ ⱀⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ ⱁⱅ҃ⱌⰰ.
14:25
ⱄⰻ ⰳⰾ҃ⰰⱈⱏ ⰲⰰⰿⱏ ⰲⱏ ⰲⰰⱄⱏ ⱄⱏⰹ.
14:26
ⱂⰰⱃⰰⰽⰾⰻⱅⱏ ⰶⰵ ⰴⱈ҃ⱏ ⱄⱅ҃ⱏⰹ ⰵⰳⱁⰶⰵ ⱂⱁⱄⱐⰾⰵⱅⱏ ⱁⱌ҃ⱏ ⰲⱏ ⰹⰿⱔ ⰿⱁⰵ. ⱅⱏ ⰲⱏⰹ ⱀⰰⱆ!ⱍⱅⱏ ⰲⱐⱄⰵⰿⱆ. ⰺ ⰲⱐⱄⱂⱁⰿⱑⱀⰵⱅⱏ ⰲⰰⰿⱏ ⰲⱐⱄⱑ ⰵⰾⰻⰽⱁⰶⰵ ⱃⱑⱈⱏ ⰲⰰⰿⱏ.
14:27
ⰿⰻⱃⱏ ⱁⱄⱅⰰⰲⰾⱑⱙ ⰲⰰⰿⱏ. ⰿⰻⱃⱏ ⰿⱁⰻ ⰴⰰⱙ ⰲⰰⰿⱏ. ⱀⰵ ⱑⰽⱁⰶⰵ ⰲⱐⱄⱐ ⰿⰻⱃⱏ ⰴⰰⰰⱅⱏ. ⰰⰸⱏ ⰴⰰⱙ ⰲⰰⰿⱐ. :: Ⰴⰰ ⱀⰵ ⱄⱏⰿⱘⱎⱅⰰⰰⱅⱏ ⱄⱔ ⰲⰰⱎⰵ ⱄⱃⰴ҃ⱌⰵ ⱀⰻ ⱆⱄⱅⱃⰰⱎⰰⰰⱅⱏ.
14:28
ⱄⰾⱏⰹⱎⰰⱄⱅⰵ ⱑⰽⱁ ⰰⰸⱏ ⱃⱑⱈⱏ ⰲⰰⰿⱏ. ⰻⰴⱘ ⰻ ⱂⱃⰻⰴⱘ ⰽⱏ ⰲⰰⰿⱏ. ⰰⱎⱅⰵ ⰱⰻⱄⱅⰵ ⰾⱓⰱⰻⰾⰻ ⰿⱔ. ⰲⱏⰸⰴⱃⰰⰴⱁⰲⰰⰾⰻ ⱄⱔ ⰱⰻⱄⱅⰵ ⱆⰱⱁ. ⱑⰽⱁ ⱃⱑⱈⱏ ⰻⰴⱘ ⰽⱏ ⱁⱅ҃ⱌⱓ. ⱑⰽⱁ ⱁⱅⰵⱌⱏ ⰿⱁⰻ ⰱⱁⰾⰻⰻ ⰿⰵⱀⰵ ⰵⱄⱅⱏ.
14:29
ⰺ ⱀⱏⰹⱀⱑ ⱃⱑⱈⱏ ⰲⰰⰿⱏ. ⱂⱃⱑⰶⰴⰵ ⰴⰰⰶⰵ ⱀⰵ ⰱⱘⰴⰵⱅⱏ. ⰴⰰ ⰵⰳⰴⰰ ⰱⱘⰴⰵⱅⱏ ⰲⱑⱃⱘ ⰻⰿⰵⱅⰵ ::
14:30
ⱓ҅ⰶⰵ ⱀⰵ ⰿⱏⱀⱁⰳⱁ ⰳⰾ҃ⱙ ⱄⱏ ⰲⰰⰿⰻ. ⰳⱃⱔⰴⰵⱅⱏ ⰱⱁ ⱄⰵ[ⰳⱁ] ⰿⰻⱃⰰ ⰽⱏⱀⱔⰷⱏ. ⰺ ⰲⱐ ⰿⱐⱀⱑ ⱀⰵ ⰻⰿⰰⱅⱏ ⱀⰻⱍⰵⱄⱁⰶⰵ.
14:31
ⱀⱏ ⰴⰰ ⱃⰰⰸⱆⰿⱑⰰⱅⱏ ⰿⰻⱃⱏ ⱑⰽⱁ ⰾⱓⰱⰾⱓ ⱁⱅ҃ⱌⰰ. ⰻ҅ ⱑⰽⱁⰶⰵ ⰸⰰⱂⱁ[ⰲⱑ]ⰴⱑ ⰿⱐⱀⱑ ⱁⱅ҃ⱌⱏ. ⱅⰰⰽⱁ ⱅⰲⱁⱃⱙ : ⰲⱏⱄⱅⰰⱀⱑⱅⰵ ⰻⰴⱑⰿⱏ ⱁⱅⱏ ⱄⱘⰴⱆ ::