ЕВАНГЕЛИЕ ЕЖЕ Ѿ ІОАННА
10:1
ⰰⰿⰻⱀ ⰰⰿⱀⱐ ⰳⰾ҃ⱙ ⰲⰰⰿⱏ. ⱀⰵ ⰲⱏⱈⱁⰴ ⰻ҅ ⰴⰲⱐⱃⱐⰿⰻ ⰲⱏ ⰴⰲⱁⱃⱏ ⱁⰲⱐⱍ ⰻ҅. ⱀⱏ ⱂⱃⱑⰾⰰⰸⱔ ⰻⱀⱘⰴⱆ. ⱅⱏ ⱅⰰⱅⱐ ⰵⱄⱅⱏ ⰻ ⱃⰰⰸⰱⱁⰻⱀⰻⰽⱏ.
10:2
ⰰ ⰲⱏⱈⱁⰴⱔⰻ ⰴⰲⱐⱃⱐⰿⰻ. ⱂⰰⱄⱅⱏⰹⱃⱏ ⰵⱄⱅⱏ ⱁⰲⱏⱌⰰⰿⱏ.
10:3
ⱄⰵⰿⱆ ⰴⰲⱐⱃⱐⱀⰻⰽⱏ ⱁⱅⰲⱃⱏⰸⰰⰰⱅⱏ. ⰺ ⱁⰲⱏⱌⱔ ⰳⰾⰰⱄⱏ ⰵⰳⱁ ⱄⰾⱏⰹⱎⰰⱅⱏ. ⰺ ⱄⰲⱁⱗ ⱁⰲⱏⱌⱔ ⰳⰾⰰⱎⰰⰰⱅⱏ ⱂⱁ ⰻⰿⰵⱀⰻ. ⰺ ⰻⰸⰳⱁⱀⰻⱅⱏ ⱗ.
10:4
ⰺ ⰵⰳⰴⰰ ⱄⰲⱁⱗ ⱁⰲⱏⱌⱔ ⰻⰶⰴⰵⱀⰵⱅⱏ. ⱂⱃⱑⰴⱏ ⱀⰻⰿⰻ ⱈⱁⰴⰻⱅⱏ. ⰺ ⱁⰲⱏⱌⱔ ⱂⱁ ⱀⰵⰿⱐ ⰻⰴⱘⱅⱏ. ⱑⰽⱁ ⰲⱑⰴⱔⱅⱏ ⰳⰾⰰⱄⱏ ⰵⰳⱁ.
10:5
ⱂⱁ ⱅⱆⰶⰴⰵⰿⱐ ⰶⰵ ⱀⰵ ⰻⰴⱘⱅⱏ. ⱀⱏ ⰱⱑⰶⱔⱅⱏ ⱁⱅⱏ ⱀⰵⰳⱁ. ⱑⰽⱁ ⱀⰵ ⰸⱀⰰⱙⱅⱏ ⱅⱆⰶⰴⰻⰻⱈⱏ ⰳⰾⰰⱄⰰ.
10:6
ⱄⰻⱙ ⱂⱃⰻⱅⱏⱍⱘ ⱃⰵⱍⰵ ⰻⰿⱏ ⰻⱄ҃ ⱁⱀⰻ ⰶⰵ ⱀⰵ ⱃⰰⰸⱆⰿⱑⱎⱔ ⱍⱏⱅⱁ ⰱⱑⱎⱔ. ⱑⰶⰵ ⰳⰾ҃ⰰⰰⱎⰵ ⰻⰿⱏ.
10:7
ⱃⰵⱍⰵ [ⰶⰵ] ⰻⰿⱏ ⱂⰰⰽⱏⰹ ⰻⱄ҃. ⰰⰿⰻⱀⱐ ⰰⰿⰻⱀ ⰳⰾ҃ⰰⰳⱁⰾⱙ ⰲⰰⰿⱏ. ⰰⰸⱏ ⰵⱄⰿⱏ ⰴⰲⱐⱃⰻ ⱁⰲⱏⱌⰰⰿⱏ.
10:8
ⰲⱐⱄⰻ ⰵⰾⰻⰽⱁⰶⰵ ⰻⱈⱏ ⱂⱃⰻⰴⰵ ⱂⱃⱑⰶⰴⰵ ⰿⰵⱀⰵ. ⱅⰰⱅⰻⰵ ⱄⱘⱅⱏ ⰻ ⱃⰰⰸⰱⱁⰻⱀⰻⱌⰻ. ⱀⱏ ⱀⰵ ⱂⱁⱄⰾⱆⱎⰰⱎⱔ ⰻⱈⱏ ⱁⰲⱏⱌⱔ ::
10:9
Ⰰⰸⱏ ⰵⱄⰿⱏ ⰴⰲⱐⱃⰻ. ⰿⱏⱀⱁⱙ ⰰⱎⱅⰵ ⰽⱅⱁ ⰲⱐⱀⰻⰴⰵⱅⱏ !ⱄⱏⱂⱄⱅⱏ ⱄⱔ. ⰻ ⰲⱐⱀⰻⰴⰵⱅⱏ ⰻ ⰻⰸⰻⰴⰵⱅⱏ. ⰺ ⱂⰰⰶⰻⱅⱐ ⱁⰱⱃⱔⱋⰵⱅⱏ.
10:10
ⱅⰰⱅⱐ ⱀⰵ ⱂⱃⰻⱈⱁⰴⰻⱅⱏ. ⱀⱏ ⰴⰰ ⱆⰽⱃⰰⰴⰵⱅⱏ ⰻ ⱆⰱⰻⰵⱅⱏ ⰻ ⱂⱁⰳⱆⰱⰻⱅⱏ. ⰰⰸⱏ ⱂⱃⰻⰴⱏ ⰴⰰ ⰶⰻⰲⱁⱅⰰ ⰻⰿⱘⱅⱏ ⰻ ⰾⰻⱎⰵ ⰻⰿⱘⱅⱏ
10:11
ⰰⰸⱏ ⰵⱄⰿⱏ ⱂⰰⱄⱅⱏⰹⱃⱐ ⰴⱁⰱⱃⱏⰹ. ⱂⰰⱄⱅⱏⰹⱃⱐ ⰴⱁⰱⱃⱏⰹ ⰴⱎ҃ⱘ ⱄⰲⱁⱙ ⱂⱁⰾⰰⰳⰰⰰⱅⱏ ⰸⰰ ⱁⰲⱐⱌⱔ.
10:12
ⰰ ⱀⰰⰻⰿⱐⱀⰻⰽⱏ ⰻⰶⰵ ⱀⱑⱄⱅⱏ ⱂⰰⱄⱅⱏⰹⱃⱐ. ⰵⰿⱆⰶⰵ ⱀⰵ ⱄⱘⱅⱏ ⱁⰲⱏⱌⱔ ⱄⰲ ⱗ҅ :: ⰲⰻⰴⰻⱅⱏ ⰲⰾⱏⰽⰰ ⰳⱃⱔⰴⱘⱋⰰ. ⰺ ⱁⱄⱅⰰⰲⰾⱑⰰⱅⱏ ⱁⰲⱏⱌⱔ ⰻ ⰱⱑⰳⰰⰰⱅⱏ. ⰺ ⰲⰾⱏⰽⱏ ⱃⰰⱄⱈⱏⰹⱅⰻⱅⱏ ⱗ. ⰺ ⱃⰰⱄⱂⱘⰴⰻⱅⱏ ⱁⰲⱏⱌⱔ.
10:13
ⰰ ⱀⰰⰵⰿⱐⱀⰻⰽⱏ ⰱⱑⰶⰻⱅⱏ. ⱑⰽⱁ ⱀⰰⰵⰿⱐⱀⰻⰽⱏ ⰵⱄⱅⱏ ⰻ ⱀⰵ ⱃⰰⰴⰻⱅⱏ ⱁ ⱁⰲⱏⱌⰰⱈⱏ.
10:14
ⰰⰸⱏ ⰵⱄⰿⱏ ⱂⰰⱄⱅⱏⰹⱃⱐ ⰴⱁⰱⱃⱏⰹ. ⰺ ⰸⱀⰰⱙ ⰿⱁⱗ ⰻ ⰸⱀⰰⱙⱅⱏ ⰿⱔ ⰿⱁⱗ.
10:15
ⱑⰽⱁⰶⰵ ⰸⱀⰰⰰⱅⱏ ⰿⱔ ⱁⱅⱏⱌⱏ. ⰺ ⰰⰸⱏ ⰸⱀⰰⱙ ⱁⱅ҃ⱌⰰ. ⰺ ⰴⱎ҃ⱘ ⰿⱁⱙ ⱂⱁⰾⰰⰳⰰⱙ ⰸⰰ ⱁⰲⱏⱌⱔ.
10:16
ⰺ ⰻⱀⱏⰹ ⱁⰲⱏⱌⱔ ⰻⰿⰰⰿⱏ. ⱗⰶⰵ ⱀⰵ ⱄⱘⱅⱏ ⱁⱅⱏ ⰴⰲⱁⱃⰰ ⱄⰵⰳⱁ. ⰺ ⱅⱏⰹ ⰿⰻ ⱂⱁⰴⱁⰱⰰⰰⱅⱏ ⱂⱃⰻⰲⰵⱄⱅⰻ. ⰺ ⰳⰾⰰⱄⱏ ⰿⱁⰻ ⱆⱄⰾⱏⰹⱎⰰⱅⱏ. ⰺ ⰱⱘⰴⰵⱅⱏ ⰵⰴⰻⱀⱁ ⱄⱅⰰⰴⱁ ⰻ ⰵⰴⰻⱀⱏ ⱂⰰⱄⱅⱏⰹⱃⱐ.
10:17
Ⱄⰵⰳⱁ ⱃⰰⰴⰻ ⰿⱔ ⱁⱅ҃ⱌⱏ ⰾⱓⰱⰻⱅⱏ. ⱑⰽⱁ ⰰⰸⱏ ⱂⱁⰾⰰⰳⰰⱙ ⰴⱎ҃ⱘ ⰿⱁⱙ. ⰴⰰ ⱂⰰⰽⱏⰹ ⱂⱃⰻⰻⰿⱘ ⱙ.
10:18
ⱀⰻⰽⱅⱁⰶⰵ ⰲⱐⰸⱐⰿⰵⱅⱏ ⰵⱗ ⱁⱅⱏ ⰿⰵⱀⰵ. ⱀⱏ ⰰⰸⱏ ⱂⱁⰾⰰⰳⰰⱙ ⱙ ⱁ҅ ⱄⰵⰱⱑ. ⱁⰱⰾⰰⱄⱅⱐ ⰻⰿⰰⰿⱐ ⱂⱁⰾⱁⰶⰻⱅⰻ ⱙ. ⰺ҅ ⱁⰱⰾⰰⱄⱅⱐ ⰻⰿⰰⰿⱏ ⱂⰰⰽⱏⰹ ⱂⱃⰻⱗⱅⰻ ⱙ. ⱄⰻⱙ ⰸⰰⱂⱁⰲⱑⰴⱐ ⱂⱃⰻⱗⱄⱏ ⱁⱅⱏ ⱁⱅ҃ⱌⰰ ⰿⱁⰵⰳⱁ.
10:19
Ⱃⰰⱄⱂⱐⱃⱑ ⰶⰵ ⰱⱏⰹⱄⱅⱏ ⱂⰰⰽⱏⰹ ⰲⱏ ⰹⱓⰴⰵⰻⱈⱏ. ⰸⰰ ⱄⰾⱁⰲⰵⱄⰰ ⱄⰻ.
10:20
ⰳⰾ҃ⰰⰰⱈⱘ ⰶⰵ ⰿⱐⱀⱁⰷⰻ ⱁⱅⱏ ⱀⰻⱈⱏ. ⰱⱑⱄⱏ ⰻⰿⰰⱅⱏ. ⰺ ⱀⰵⰻⱄⱅⱁⰲⱏ ⰵⱄⱅⱏ. ⱍⱅⱁ ⰵⰳⱁ ⱂⱁⱄⰾⱆⱎⰰⰰⱅⰵ.
10:21
ⰺⱀⰻ ⰳⰾ҃ⰰⰰⱈⱘ. ⱄⰻⰻ ⰳⰾ҃ⰻ ⱀⰵ ⱄⱘⱅⱏ ⰱⱑⱄⱏⱀⱆⱙⱎⱅⰰⰰⰳⱁ ⱄⱔ. ⰵⰴⰰ ⰱⱑⱄⱏ ⰿⱁⰶⰵⱅⱏ ⱄⰾⱑⱂⱁⰿⱏ ⱁⱍⰻ ⱁⱅⰲⱃⱑⱄⱅⰻ ::
10:22
Ⰱⱏⰹⱎⱔ ⰶⰵ ⱅⱏⰳⰴⰰ ⰵⱀⰽⰵⱀⰻⱑ ⰲⱏ !ⰵⱃⱄⰾⰿⱈⱐ. ⰺ ⰸⰻⰿⰰ ⰱⱑ.
10:23
ⰺ ⱈⱁⰶⰴⰰⰰⱎⰵ ⰻⱄ҃ ⰲⱏ !ⱌⱃⰽⰲⰵ ⰲⱏ ⱂⱃⰻⱅⰲⱁⱃⱑ ⱄⱁⰾⱁⰿⱁⱀⰻ.
10:24
ⱁⰱⰻⰴⱘ ⰶⰵ ⰻ ⰻⱓⰴⰵⰻ ⰻ ⰳⰾ҃ⰰⰰⱈⱘ ⰵⰿⱆ. ⰴⱁⰽⱁⰾⱑ ⰴⱎ҃ⱔ ⱀⰰⱎⱔ ⰲⱐⰸⰵⰿⰾⰵⱎⰻ ⰰⱎⱅⰵ ⱅⱏⰹ ⰵⱄⰻ !ⱈⱏ. ⱃⱏⱌⰻ ⱀⰰⰿⱏ ⱀⰵ ⱁⰱⰻⱀⱘⱗ ⱄⱔ.
10:25
ⱁⱅⱏⰲⱑⱎⱅⰰ ⰻⰿⱏ ⰻⱄ҃. ⱃⱑⱈⱏ ⰲⰰⰿⱏ ⰻ ⱀⰵ ⰲⱑⱃⱆⱆⱅⰵ. ⰴⱑⰾⰰ ⱑⰶⰵ ⰰⰸⱏ ⱅⰲⱁⱃⱙ ⰲⱏ ⰹⰿⱔ ⱁⱅ҃ⱌⰰ ⰿⱁⰵⰳⱁ. ⱅⰰ ⱄⱏⰲⱑⰴⱑⱅⰵⰾⱐⱄⱅⰲⱆⱙⱅⱏ ⱁ ⰿⱐⱀⱑ.
10:26
ⱀⱏ ⰲⱏⰹ ⱀⰵ ⰲⱑⱃⱆⱆⱅⰵ ⱀⱑⱄⱅⰵ ⰱⱁ ⱁⱅⱏ ⱁⰲⰵⱌⱏ ⰿⱁⰻⱈⱏ ⱑⰽⱁⰶⰵ ⱃⱑⱈⱏ ⰲⰰⰿⱏ. ::
10:27
Ⱁⰲⱏⱌⱔ ⰿⱁⱗ ⰳⰾⰰⱄⰰ ⰿⱁⰵⰳⱁ ⱄⰾⱆⱎⰰⱙⱅⱏ. ⰻ ⰰⰸⱏ ⰸⱀⰰⱙ ⱗ ⰻ ⱂⱁ ⰿⱐⱀⱑ ⰳⱃⱔⰴⱘⱅⱏ.
10:28
ⰺ ⰰⰸⱏ ⰶⰻⰲⱁⱅⱏ ⰲⱑⱍⱏⱀⱏⰹⰻ ⰴⰰⱙ ⰻⰿⱏ. ⰺ ⱀⰵ ⱂⱁⰳⱏⰹⰱⱀⱘⱅⱏ ⰲⱏ ⰲⱑⰽⱏ. ⰺ ⱀⰵ ⰲⱏⱄⱈⱏⰹⱅⰻⱅⱏ ⰻⱈⱏ ⱀⰻⰽⱅⱁⰶⰵ ⱁⱅⱏ ⱃⱘⰽⱏⰹ ⰿⱁⰵⱗ.
10:29
ⱁⱅ҃ⱌⱏ ⰿⱁⰻ ⰻⰶⰵ ⰴⰰⱄⱅⱏ ⰿⱏⱀⱑ. ⰱⱁⰾⰻⰻ ⰲⱐⱄⱑⱈⱏ ⰵⱄⱅⱏ. ⰺ ⱀⰻⰽⱅⱁⰶⰵ ⱀⰵ ⰿⱁⰶⰵⱅⱏ ⰲⱏⱄⱈⱏⰹⱅⰻⱅⰻ ⰻⱈⱏ. ⱁⱅⱏ ⱃⱘⰽⱏⰹ ⱁⱅ҃ⱌⰰ ⰿⱁⰵⰳⱁ.
10:30
Ⰰⰸⱏ ⰻ ⱁⱅⰵⱌⱏ ⰵⰴⰻⱀⱁ ⰵⱄⰲⱑ.
10:31
ⰲⱐⰸⱔⱄⱔ ⰶⰵ ⱂⰰⰽⱏⰹ ⰽⰰⰿⰵⱀⰻⰵ ⰻⱓⰴⰵⰻ ⰴⰰ ⰻ ⱂⱁⰱⰻⱙⱅⱏ.
10:32
ⱁⱅⱏⰲⱑⱎⱅⰰ ⰻⰿⱏ ⰻⱄ҃ ⰿⱏⱀⱁⰳⰰ ⰴⱑⰾⰰ ⰴⱁⰱⱃⰰ ⱑⰲⰻⱈⱏ [ⰲⱏ] ⰲⰰⱄⱏ. ⱁⱅⱏ ⱁⱅⱏⱌⰰ ⰿⱁⰵⰳⱁ. ⰸⰰ ⰽⱁⰵ ⰻⱈⱏ ⰴⱑⰾⱁ ⰽⰰⰿⰵⱀⰻⰵ ⱀⰰ ⰿⱔ ⰿⰵⱅⰵⱅⰵ.
10:33
ⱁⱅⱏⰲⱑⱎⱅⰰⱎⱔ ⰵⰿⱆ ⰻⱓⰴⰵⰻ ⰳⰾ҃ⱙⱎⱅⰵ. ⱁ ⰴⱁⰱⱃⱑ ⰴⱑⰾⱑ ⱀⰵ ⰿⰵⱅⰵⰿⱏ ⰽⰰⰿⰵⱀⰻⱑ ⱀⰰ ⱅⱔ. ⱀⱏ ⱁ ⰲⰾⰰⱄⱇⰻⰿⰻⰻ. ⰺ ⱑⰽⱁ ⱅⱏⰹ ⱍⰾⰲ҃ⰽⱏ ⱄⱏⰹ ⱅⰲⱁⱃⰻⱎⰻ ⱄⱔ ⱄⰰⰿⱏ ⰱ҃ⱏ.
10:34
ⱁⱅⱏⰲⱑⱎⱅⰰ ⰻⰿⱏ ⰻⱄ҃ⱏ. ⱀⱑⱄⱅⱏ ⰾⰻ ⱀⰰⱂⰻⱄⰰⱀⱁ ⰲⱏ ⰸⰰⰽⱁⱀⱑ ⰲⰰⱎⰵⰿⱏ. ⱑⰽⱁ ⰰⰸⱏ ⱃⱑⱈⱏ ⰱⱁⰷⰻ ⰵⱄⱅⰵ.
10:35
ⰰⱎⱅⰵ ⱁⱀⱏⰹ ⱃⰵⱍⰵ ⰱⱁⰳⱏⰹ. ⰽⱏ ⱀⰻⰿⱏⰶⰵ ⰱⱏⰹⱄⱅⱏ ⱄⰾⱁⰲⱁ ⰱⰶ҃ⰻⰵ. ⰺ ⱀⰵ ⰿⱁⰳⱘⱅⱏ ⱄⱔ ⰽⱐⱀⰻⰳⱏⰹ ⱃⰰⰸⱁⱃⰻⱅⰻ.
10:36
ⰵⰳⱁⰶⰵ ⱁⱅ҃ⱌⱏ ⱄⱅ҃ⰻ. ⰻ ⱂⱁⱄⱏⰾⰰ ⰲⱏ ⰿⰻⱃⱏ. ⰲⱏⰹ ⰳⰾ҃ⰵⱅⰵ ⱑⰽⱁ ⰲⰾⰰⱄⱇⰻⰿⰾⱑⰵⱎⰻ. ⰸⰰⱀⰵ ⱃⱑⱈⱏ ⱑⰽⱁ ⱄⱀ҃ⱏ ⰱⰶ҃ⰻⰻ ⰵⱄⰿⱐ.
10:37
ⰰⱋⰵ ⱀⰵ ⱅⰲⱁⱃⱙ ⰴⱑⰾⱏ ⱁⱅ҃ⱌⰰ ⰿⱁⰵⰳⱁ. ⱀⰵ ⰵⰿⰾⱑⱅⰵ ⰿⰻ ⰲⱑⱃⱏⰹ.
10:38
ⰰⱎⱅⰵ ⰾⰻ ⱅⰲⱁⱃⱙ. ⰰⱎⱅⰵ ⰻ ⰿⱐⱀⱑ ⰲⱑⱃⱏⰹ ⱀⰵ ⰵⰿⰾⰵⱅⰵ. ⰴⱑⰾⱁⰿⱏ ⰿⱁⰻⰿⱏ ⰲⱑⱃⱘ ⰻⰿⱑⱅⰵ. ⰴⰰ ⱃⰰⰸⱆⰿⱑⰰⱅⰵ ⰻ ⰲⱑⱃⱆⱆⱅⰵ. ⱑⰽⱁ ⰲⱏ ⰿⱏⱀⱑ ⱁⱌ҃ⱏ ⰻ ⰰⰸⱏ ⰲⱏ ⱁⱅ҃ⱌⰻ.
10:39
ⰺ ⰻⱄⰽⰰⰰⱈⱘ ⰶⰵ ⰵⰳⱁ ⱂⰰⰽⱏⰹ ⱗⱅⰻ. ⰺ ⰻⰸⰻⰴⰵ ⱁⱅⱏ ⱃⱘⰽⱏ ⰻ҅ⱈⱏ.
10:40
ⰺ ⰻⰴⰵ ⱂⰰⰽⱏⰹ ⱀⰰ ⱁⱀⱏ ⱂⱁⰾⱏ ⰻⱁⱃⱏⰴⰰⱀⰰ. ⱀⰰ ⰿⱑⱄⱅⱁ ⰻⰶⰴⰵⰶⰵ ⰱⱑ ⰻⱁⰰⱀⱏ ⱂⱃⱑⰶⰴⰵ ⰽⱃⱏⱄⱅⱔ. ⰺ ⱂⱃⱑⰱⱏⰹⱄⱅⱏ ⱅⱆ.
10:41
ⰺ ⰿⱏⱀⱁⰷⰻ ⱂⱃⰻⰴⱘ ⰽⱏ ⱀⰵⰿⱆ ⰻ ⰳⰾ҃ⰰⰰⱈⱘ. ⱑⰽⱁ ⰻⱁⰰⱀⱏ ⱆⰱⱁ ⰸⱀⰰⰿⰵⱀⰻⱑ ⱀⰵ ⱄⱏⱅⰲⱁⱃⰻ. ⱀⰻ ⰵⰴⰻⱀⱁⰳⱁ ⰶⰵ. ⰲⱐⱄⱑ ⰶⰵ ⰵⰾⰻⰽⱁ ⱃⰵⱍⰵ ⰻⱁⰰⱀⱏ ⱁ ⱄⰵⰿⱐ ⰻⱄⱅⰻⱀⰰ ⰱⱑ.
10:42
ⰺ ⰿⱏⱀⱁⰷⰻ ⰲⱑⱃⱁⰲⰰⱎⱔ ⰲⱏ ⱀⰵⰳⱁ ⱅⱆ. ::