ЕВАНГЕЛИЕ ЕЖЕ Ѿ ІОАННА
1:23
-съ въпиѭштааго въ поустꙑни. ꙇсправите пѫть гнь. ѣкоже рече исаиѣ !пркъ.
1:24
ꙇ посълании бѣахѫ отъ фарисѣи.
1:25
ꙇ въпросишѧ и и рѣшѧ емоу. что оубо !крштаеши. аште тꙑ нѣси !хъ. ни илиѣ ни !пркъ.
1:26
отъвѣшта имъ иоанъ гл҃ѧ. азъ !крщаѭ въ водѣ. по срѣдѣ же васъ стоитъ. егоже вꙑ не вѣсте.
1:27
сь естъ грѧдꙑи по мьнѣ. ꙇже прѣдъ мъноѭ бꙑстъ. емоуже азъ нѣсмъ достоинъ. да отрѣшо ремень сапогоу его.
1:28
си вь витании бꙑшѧ об онъ полъ иоръдана. идеже бѣ иоанъ кръстѧ :: к!ц ::
1:29
Въ оутрѣи день видѣ ис҃а грѧдѫшта къ себѣ. ꙇ гл҃а се агнецъ бж҃іи. въземлѧи грѣхꙑ мира вьсего.
1:30
сь естъ о немьже азъ рѣхъ. по мьнѣ грѧдетъ можъ. ꙇже прѣдъ мъноѭ бꙑ!с. ѣко пръвѣи мане бѣ.
1:31
ꙇ азъ не вѣдѣахъ его. нъ да ѣвитъ сѧ !издраилеви. сего ради азъ придъ въ водѣ кръстѧ.
1:32
ꙇ съвѣдѣтельствова иоанъ гл҃ѧ. ѣко видѣхъ дх҃ъ съходѧшть. ѣко голѫбь съ небесе. ꙇ прѣбꙑстъ на немь.
1:33
и азъ не вѣдѣахъ его. нъ посълавꙑи мѧ кръститъ въ водѣ. тъ мьнѣ рече. надъ ньже оузьриши дх҃ъ съходѧштъ. ꙇ прѣбꙑваѭштъ на немь. сь есть крьстѧи дх҃мь ст҃ꙑмь.
1:34
и азъ видѣхъ и съвѣдѣтельствовахъ. ѣко сь естъ сн҃ъ бж҃іи. ::
1:35
Вь оутрѣи же день пакꙑ стоѣаше иоань. ꙇ отъ оученикъ его дъва.
1:36
ꙇ оузьрѣ ис҃а грѧдѫшта. гл҃а се агнецъ бж҃ии.
1:37
ꙇ слꙑшасте и оба оученика гл҃штъ. ꙇ по ис҃ѣ идете.
1:38
обраштъ же сѧ ис҃ъ. и видѣвъ ѣ по себѣ идѫшта. гл҃а има
1:39
чесо ищета. она же рѣсте емоу равⸯви. еже гл҃етъ сѧ съказаемо оучителю. къде живеши.
1:40
гл҃а има. придѣта и видита. придете же и видѣсте къде живѣаше. ꙇ прѣбꙑсте оу него день тъ. година бѣ ѣко девѧтаѣ.
1:41
бѣ же аньдрѣа братръ симона петра. единъ отъ обоѭ слꙑшавъш ю҅ отъ иоана. ꙇ по немь шьдъшюю.
1:42
Обрѣте сь прѣжде братра своего симона. ꙇ гл҃а емоу обрѣтомъ месиѭ. еже естъ съказаемо !хъ.
1:43
ꙇ приведе и къ ис҃ви. възърѣвъ же на нь ис҃ъ рече. тꙑ еси симонъ сн҃ъ ионинъ. тꙑ наречеши сѧ кифа еже съказаатъ сѧ петръ. ::
1:44
Въ оутрѣи же день въсхотѣ ис҃ъ изити въ галилѣѭ. ꙇ обрѣте филипа. ꙇ гл҃а емоу ис҃ъ грѧди по мьнѣ.
1:45
бѣ же филипъ отъ виѳсаидꙑ отъ града аньдрѣева и петрова.
1:46
обрѣте филипъ натанаилѣ. ꙇ гл҃а емоу. егоже писа мосии въ законѣ и !прци. обрѣтомъ ис҃а сн҃а иосифова. ꙇже отъ назарета.
1:47
ꙇ гл҃а емоу натанаиль. отъ назарета можетъ ли что добро бꙑти. ꙇ гл҃а емоу филипъ приди и виждъ.
1:48
видѣ же ис҃ъ натанаилѣ грѧдѫшта къ себѣ. ꙇ гл҃а о немь. се вꙑ истинѫ !издлѣнинъ въ намъже льсти нѣстъ.
1:49
гл҃а емоу натанаиль. како мѧ знаеши. отъвѣшта ис҃ъ и рече емоу. прѣжде даже не !възгласи тебе филипъ сѫшта подъ смоковьницеѭ видѣхъ тѧ.
1:50
отъвѣшта натанаиль и гл҃а емоу. равьви и тꙑ еси сн҃ъ бж҃іи. тꙑ еси цс҃рь !ꙇздраилевъ.
1:51
отъвѣшта ис҃ъ и рече емоу. зане рѣхъ ти ѣко видѣхъ тѧ подъ смоковъницеѭ вѣроуеши. больша сихъ оузьриши.
1:52
ꙇ гл҃а емоу амин амнъ гл҃ѭ вамъ. отъ селѣ оузьрите неб҃са о҅твръста. ꙇ анђ҃лꙑ бж҃ ѩ҅ въсходѧщѧ и низъходѧштѧ надъ сн҃а члв҃скааго ::