Сїа кни́га бы́тїа чл҃ча, въ иже дн҃ь сътворѝ б҃ъ а҆да́ма. по ѻ҆́бразꙋ бж҃їю сътворѝ е҆го,
мꙋжа и҆ женꙋ̀ сътворѝ иⷯ, и҆ блⷵви и҆мъ. и҆ наречѐ и҆мѧ е҆мꙋ а҆даⷨ вънже дн҃ь сътворѝ иⷯ.
Жи́тъ же а҆да́мъ лѣтъ , р҃л , и҆ родѝ сн҃а по видѣ́нїю свое̑мꙋ и҆ по ѻ҆́бразꙋ свое̑мꙋ, и҆ наречѐ и҆́мѧ е҆мꙋ си́фъ,
быⷵ же дн҃їи а҆да́мовыⷯ ꙗ҆́же пожи́тъ ро́жⷣь си́фа лѣтъ , и҃ , соⷮ, и҆ родѝ сн҃ы и҆ дще́ры·
И҆ бы́сть всѣхъ дн҃їи а҆да́мовыхъ и҆же поживѐ лѣтъ , ѳ҃ , соⷮ и҆ л҃, и҆ ѹ́мрѣтъ·
Поживѐ же си́фъ лѣтъ , с҃е , и҆ родѝ е҆носа,
и҆ поживѐ си́фъ ро́жⷣь е҆но́са, лѣтъ , з҃ , со́тъ и҆ з҃, и҆ роⷣꙵ сн҃ы и҆ дще́ры·
Бы́сть же всѣ́хъ дн҃їи си́фовыхъ лѣтъ , ѳ҃ , соⷮ и҆, в҃і, и҆ оу҆́мрѣтъ·
Поживе́ же е҆но́съ, лѣтъ , рч҃ , и҆ родѝ каи̑на́на·
И҆ жи́тъ е҆но́съ повнегда̀ роди́ти е҆мꙋ каи̑на́на, лѣтъ , з҃ , сотъ и҆ е҃і, и҆ родѝ сн҃ы и҆ дще́ры,
и҆ бы́сть всѣ́хъ дн҃їи е҆но́совыⷯ, лѣтъ , ѳ҃ , соⷮ и҆ е҃ и оу҆́мрѣтъ·
И҆ жи́тъ каи̑на́нъ, лѣтъ рѻ҃, и҆ родѝ малеле́ила,
и҆ поживѐ каи̑на́нъ повнегда̀ роди́ти е҆мꙋ малеле́и̑ла, лѣтъ , з҃ , сотъ м҃, и҆ родѝ сн҃ы и҆ дще́ры,
и҆ быша вс҄и дн҃їе каи̑на́новы, лѣтъ , ѳ҃ со́тъ и҆ і҃, и҆ оу҆мрѣтъ·
И҆ поживѐ малеле́илъ лѣтъ рѯ҃е, и҆ родѝ а҆́реда·
И҆ жи́тъ малеле́илъ роди́въ а҆́реда, лѣтъ , з҃, со́тъ и҆ л҃, и҆ родѝ сн҃ы и҆ дще́ры·
И҆ бы́сть всѣхъ дн҃їи малеле́иловыхъ, лѣтъ и҃, со́тъ и҆ че҃, и҆ оу҆́мрѣтъ·
И҆ поживѐ а҆́редъ, лѣтъ , рѯ҃в , и҆ родѝ е҆но́ха,
и҆ житъ а҆́редъ ро́жⷣъ е҆но́ха лѣтъ , и҃ соⷮ, и҆ родѝ сн҃ы и҆ дще́ры·
И҆ бы́сть всѣ́хъ дн҃їи а҆́редовыⷯ лѣтъ ѳ҃, соⷮ и҆ ѯв҃, и҆ ѹ́мрѣт̾·
И҆ поживѐ е҆но́хъ, лѣт̾, рѯ҃е, и҆ родѝ маѳꙋса́ла.
оу҆годи́ же е҆нохъ бг҃ꙋ· И҆ поживѐ е҆но́хъ по рожⷣенїи маѳꙋса́ловѣ, лѣтъ , с҃, и҆ родѝ сн҃ы и҆ дще́ри·
И҆ бы́ша вс҄и дн҃їе е҆но́ховы, лѣтъ тѯ҃е·
И҆ оу҆годѝ е҆нохъ бг҃ꙋ, и҆ не ѻ҆брѣта́шесѧ зане преста́ви е҆го б҃ъ·
И҆ жи́тъ маѳꙋса́лъ, лѣтъ , рп҃з , и родѝ ламе́ха·
Жи́тъ же маѳꙋсаⷧ рожⷣь ламе́ха, лѣтъ , з҃ , со́тъ и҆ пв҃, и҆ родѝ сн҃ы и҆ дще́ры·
И҆ бы́сть всѣхъ дн҃їи маѳꙋса́ловыхъ ꙗ҆́же жиⷮ лѣтъ , ѳ҃, соⷮ и҆ ѯѳ҃, и҆ оу҆мрѣтъ·
И҆ жи́тъ ламех̾ лѣтъ , рп҃и , и҆ родѝ сн҃а,
и҆ наречѐ и҆́мѧ е҆мꙋ но́е, гл҃ѧ· Се́и поко́итъ на́съ ѿ дѣлъ на́шиⷯ, и҆ ѿ печа́ли рꙋ́къ на́шиⷯ, и҆ ѿ землѧ̀ ю҆́же проклѧтъ г҃ь б҃ъ·
И҆ жи́тъ ламеⷯ родѝвъ но́ѧ, лѣт̾, е҃, соⷮ и҆ ѯе҃, и҆ родѝ сн҃ы и҆ дще́ры·
И҆ бы́сть всѣх̾ дн҃їи ламе́ховыхъ лѣтъ , з҃ , со́тъ нг҃, и҆ оу҆мрѣтъ·
[6.1] бѣ но́е лѣтъ , е҃, соⷮ и҆ родѝ сн҃ы три, си́ма, ха́ма и҆афе́та.